Версия для слабовидящих

«Лыдӟиськись Удмуртия» литературной марафонэз усьтон

«Лыдӟиськись Удмуртия» литературной марафонэз усьтон

26-тӥ куартолэзе 13.00 часын Удмурт Элькунысь Кун Кенешлэн заседанияз Йӧскалык библиотеаен малпам но Удмурт Элькунысь Кун Кенешен, Удмурт Элькунысь лулчеберетъя но туризмъя министерстволэн юрттэмезъя радъям «Лыдӟиськись Удмуртия» улосвыл марафонлы кутскон сётэмын луоз. Ужрад Быдэс Россиысь библиотекаослэн нуналэзлы 20 тырмонэзлы но Росси Федерациын Литературалы сӥзем арлы луыса радъямын.

«Лыдӟиськись Удмуртия» марафон элькунысь каръёсын но ёросъёсын 1-тӥ инвожоысен 15-тӥ коньывуонозь ортчоз. Марафонлэн целез – книгалэсь но лыдӟиськонлэсь мерлыкын интызэ ӝутон, быдэс дуннеысь, кунысьтымы но улосвылысьтымы литературалы саклык висъян, библиотекаосын тунсыкъяськонэз будэтон.

 

Марафонэз усьтонлэн программаяз:

  • Удмурт Элькунысь Кук Кенешысь депутатъёслэн, творческой огазеяськонъёсысь но СМИ-ысь адямиослэн вераськемзы;
  • «Яратоно книгае» акция, кудӥз улсын яратоно книгаосысьтызы люкетсэс лыдӟозы кун кивалтэтысь, бизнес, тодос но лулчеберет удысысь адямиос;
  • Быдӟым Вормонлэн 70 ар тырмонэзлы сӥзем буктрейлеръёсын элькун ӵошатсконлы йылпумъянъёс;
  • ӵошатсконын вормисьёслэсь роликъёссэс возьматон, авторъёслы кузьым сётон;
  • «Тужгес умоез нылпи библиотека» элькун ӵошатсконын вормисьёслы кузьым сётон;
  • Удмурт Элькунысь библиотекаосын умой ужасьёслы кун наградаосты сётон.
Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru