Версия для слабовидящих

«Мир московского театра. Русская театральная открытка начала ХХ века» адӟытонэз усьтон

«Мир московского театра. Русская театральная открытка начала ХХ века» адӟытонэз усьтон

3-тӥ инвожое 16.00 часын Удмурт Элькунысь йӧскалык библиотекаын (Удмуртская ул., 264) «Мир московского театра. Русская театральная открытка начала ХХ века» адӟытонэз усьтон ортчоз.

Адӟытонын Россиысь искусствоя кун лыдӟиськоннилэн фондысьтыз туспуктэм открыткаос возьматэмын луозы, кудъёсаз кылем даурлэн кутсконысьтыз туспуктӥсьёслэн тодмо ӟуч актёръёсын, театральной спектакльёсысь сценаосын, Москваысь Императорской но нырысетӥ театръёсын фотоосы возьматэмын луозы.

 

Опера но драма улонысь тодмо адямиосын, театральной постановкаосысь сценаосын почтовой карточкаос дас укмысэтӥ даурлэн пумаз росси калык пушкын туж паськыт вӧлмизы, нош кызетӥ даурын афишаен но плакатэн ӵош со реклама интые но луиз. Туннэ театральной открыткаос со аръёслэн аспӧртэмлыко визитной карточказы выллем луэ, ХХ даурлэн кутсконысьтыз театрлэсь историзэ эскерыны юрттэ.

 

Адӟытонын Садовский актер династилэн портретъёссы возьматэмын луозы, Малый театрысь А. Южин, А. Остужев, Г. Федотова, М. Ермолаева актёръёслэн портретъёссы, Ф. Шаляпинлэн, Л. Собиновлэн, Е. Гельцерлэн туспуктэмъёссы. Адӟытонэн Россиысь искусствоя кун библиотекаын ужась Александра Михайловна Орлова тодматоз.

 

Адӟытонэз усьтонын Театрын ужасьёслэн огазеяськонзылэн азьветлӥсез , Росси Федерациысь сиё-дано гожъяськись Александр Гаевич Мустаев вераськоз.

 

Удмуртиысь театръёслэн историенызы вакчияк тодматоз Удмурт Элькунысь лулчеберет удысысь сиё-дано ужась, театровед Анна Яковлевна Евсеева.

 

Театральной открыткаослэн дунлыксы сярысь вералоз Удмурт Элькунысь изобразительной искусствоосъя музейысь кивалтӥсьлэн воштӥсез, истори тодосъя кандидат Валентина Оскаровна Гартиг.

 

Возьмаськомы вань мылкыд карисьёсты.

 

Адӟытон 19-тӥ инвожоозь ужалоз.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru