Версия для слабовидящих

Быдӟым Вормонлэн 70 ар тырмонэзлы дасям библиографической указательлэн презентациез

Быдӟым Вормонлэн 70 ар тырмонэзлы дасям библиографической указательлэн презентациез

31 южтолэзе 16.00 часын «Удмурт шаер» клублэн пумиськоназ Удмурт Элькунысь йӧскалык библиотекаен Быдӟым Атыкай ожын Вормонлы 70 ар тырмонэзлы дасям «Герои Советского Союза. Полные кавалеры ордена Славы» библиографической указательлэн презентациез ортчоз.

«Ими гордится удмуртская земля» указательёс сериысь печатлос Удмурт Элькунысь Кивалтэтлэн коньдонэн юрттэмезъя «Удмуртия» издательствоын потӥз.

 

Кык валтӥсь люкетъёс 101 Совето Союзысь геройёслэн но орден Славылэн быдэсак кавалеръёслэн улон сюрессы сярысь информациез огазеяло, соослэсь туспуктэмъёссэс, литература списокъёсты. Печатлам книга сяна указательлэн электрон вариантэз дасямын, кытчы «Живые свидетели Победы» ватсэт пыртэмын на. Отысь 18 улэп ветеранъёс сярысь вакчияк информация шедьтыны луэ, архивъёсысьтызы туспуктэмъёсты, фронтын ортчем учыръёссы сярысь куара гожтэмъёсты.

 

Презентацие лыктэм Быдӟым Атыкай ож ветеранъёс ож сюресъёссы сярысь тодэ ваёнъёссэс вералозы. Пумиськонэ Удмурт Элькунлэн военной комиссариатысьтыз, Удмурт Элькунысь егитъёслэн мерлыко «Долг» огазеяськонлэн ёзчиосыз пыриськозы. Ужрадлэн творческой люкетаз кылбуръёсты вералозы но кырӟанъёсты быдэстозы.

 

Презентациын Йӧскалык но шаетодон литературая но библиография центрын ужасьёсын дасям «Голоса Победы» победы нимо туспуктэм но «Нам общая слава России солдатской наградой была» книга адӟытонъёс ужалозы.

 

Книга адӟытонэ тодослыко но документальной изданиос пырозы, архивной документъёсын бичетъёс («Письма огненных лет, 1941–1945»; «Оскы, Родина!»; К. И. Куликов «Грани победы» но мк.), ож геройёслэн тодэ ваёнъёссы (Г. П. Евдокимов «300 вылетов за линию фронта», Н. З. Ульяненко «Незабываемое», В. Г. Стариков «На грани жизни и смерти» но мк.), Удмуртиысь гожъяськисьёслэн художественно-документальной ужъёссы(И. Г. Гаврилов «Гвардеецъёс», М. П. Петров «Пятеро бесстрашных», С. П. Широбоков «Ожмаськон лудын» / «На поле боя», П. П. Любомиров «Библия рядового», Г. Н. Пронина «Самоволка»).

 

«Голоса Победы» туспуктэм адӟытонын Быдӟым Атыкай оже пыриськем ветеранъёслэн потретъёссы луоз. Котькуд туспуктэм улын QR-код, кудӥзъя «Герои Советского Союза. Полные кавалеры ордена Славы» указательысь соослы сӥзем баме потыны луэ.

 

Ужрад Удмуртская ул., 264 адресъя ортчоз.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru