Версия для слабовидящих

А. М. Липановлэн «Теоретическая гидромеханика ньютоновских сред» книгаезлэн презентациез

А. М. Липановлэн «Теоретическая гидромеханика ньютоновских сред» книгаезлэн презентациез

12-тӥ южтолэзе 17.00 часын Удмурт Элькунысь йӧскалык библиотекалэн техника но гурт возёс литературая ёзэтаз А. М. Липанов академиклэн «Теоретическая гидромеханика ньютоновских сред» книгаезлэн презентациез ортчоз.

Ужрад Алексей Матвеевич Липановлэн (ворд. 3 южтолэзе 1935 арын) 80 арес тырмонэзлы сӥземын. Со Россиысь тодмо тодосчи но тодосэз радъясь луэ, РАН-лэн акдемикез, техника но тодос удысысь кун премиослэн лауреатсы, кунамы но кунгож сьӧрын турбулентной течениосын, камера пушкысь процессъёсты, ӝуан процессъёсты моделировать каронэн но ракетаысь твердотопливной двигательёсты проектированиен тодмо луиз. Соин кылдытэм тодослыко школа 60 пала докторъёсты но кандидатъёсты огазея.

 

А. М. Липанов академик – Удмурт Элькунлэн сӥё-дано улӥсез. 1975–1983 аръёсы Ижкарысь меканикая институтлэн ректорез вал, 1991–2013 аръёсы Уро РАН-лэн механикая институтэзлэн директорез. Туннэ нуналозь трос тодос но дышетон удысэн выре, тодослыкез калыке вӧлмытон бордын трос ужа.

 

А. М. Липанов – 600-лэсь трос ужъёслэн авторзы, соос пушкын 10 монографиос, 53 авторской свидетельствоос. Презентациын «С наукой связана судьба: к 80-летию академика А. М. Липанова» нимо книга адӟытон ужалоз, кытчы Йӧскалык библиотекаын возиськись печатлосъёс пырозы. Адӟытон юбилярлэн биографиеныз тодматоз, озьы ик тодосчилэн ужъёсыныз (соос пушкын – «Краткая история создания твердотопливных ракет в России в XX веке», «Метод декомпозиции времени в моделировании физических задач» но мк.) Академической институтъёслэн но вузъёслэн изданиоссы ученойлэсь тодос но мерлык улонысь тунсыкъяськонъёссэ шараялозы.

 

Презентациын авторлэн ӵош ужан эшъёсыз но дышетскисьёсыз, тодос мерлыкысь адямиос вераськозы. Техника но гурт возёсъя ёзэтысь ужасьёс ивортодэт ресурсъёсын тодматозы.

 

Ужрад таӵе адресъя ортчоз: 30 лет Победы ул., 14.

Возьмаськомы вань мылкыд карисьёсты.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru