Версия для слабовидящих

Игнатий Гавриловлэн 100 ар тырмонэзлы сӥзем "Удмурт шаер" клублэн пумиськонэз

Игнатий Гавриловлэн 100 ар тырмонэзлы сӥзем "Удмурт шаер" клублэн пумиськонэз

2-тӥ оштолэзе 16.00 часын Удмурт Элькунысь йӧскалык лыдӟиськонни вань мылкыд карисьёсты ӧте «Удмурт шаер» клублэн заседанияз, кудӥз удмурт писательлэн, драматурглэн, лулчеберет удысысь сӥё-дано ужасьлэн Игнатий Гавриловлэн 100 ар тырмонэзлы сӥземын луоз.

Игнатий Гаврилович Гаврилов (1912-1973 ) – удмурт писатель, драматург, РСФСР-ысь лулчеберет удысысь сӥё-дано ужась. Литература удысын нырысетӥ вамышъёссэ лэсьтӥз 1927-тӥ арын «Гудыри» газетын, Гави Йыги псевдоним басьтыса. 1931-тӥ арысен ужаз Удмурт драмтеатрын, гожтӥз но пуктӥз «Вало ӧр куашетэ», «Кезьыт ошмес», «Аннок», «Камит Усманов», «Груня Тарасова» но мукет пьесаосты. Игнатий Гаврилов - «Вордӥськем палъёсын» роман-трилогилэн, «Кыдёкысь бригадаын», «Гвардеецъёс» повестьёслэн, «Сашенька» поэмалэн авторзы. Со удмурт кылэ берыктӥз А.С. Пушкинлэсь, Н.В. Гогольлэсь, Н.А. Некрасовлэсь, Ж.-Б. Мольерлэсь, А.Н. Островскийлэсь, М. Горькийлэсь но уно мукет тодмо писательёслэсь гожъямъёссэс.

 

И.Г. Гавриловлы сӥзем ужрадын Удмурт театрысь артистъёс В. Краснопёров но А. Чернышева гожъяськисьлэсь кылбуръёссэ лыдӟозы но «Мон витё тонэ гинэ» спектакльлэсь люкетсэ возьматозы.

 

Ужалоз «Поэт, драматург, прозаик: И. Г. Гавриловлэн 100 аресэзлы сӥзьыса» адӟытон. Солэн нырысетӥ люкетаз возьматэмын писательлэн произведениосыз. Кыкетӥ висъетаз люкамын И. Г. Гаврилов сярысь В.В. Ложкинлэн, З.А. Богомоловалэн, А.А. Ермолаевлэн, Ф.К. Ермаковлэн, П. Домокошлэн гожъямъёссы.

 

Ужрадэ пыриськозы элькунысь Лулчебертъя, печатья но ивортодэтъя, Йӧскалык политикая министерствоосысь ӧнерчиос, «Удмурт кенеш» ассоциацилэн ёзчиосыз, Удмурт театрысь артистъёс, газетчиос.

 

Пумиськонэз нуоз лыдӟиськонниысь финн-угор но шаертодон литературая ёзэтлэн кивалтӥсез Татьяна Васильевна Николаева.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru