Версия для слабовидящих

«Петр Аркадьевич Столыпин – жизнь за Отечество» адӟытонэз усьтон

«Петр Аркадьевич Столыпин – жизнь за Отечество» адӟытонэз усьтон

17-тӥ оштолэзе 16 часын «Петр Аркадьевич Столыпин – жизнь за Отечество» адӟытон усьтӥськоз. Выставкаез, П.А. Столыпин вордӥськем дырысен 150 ар тырмонлы сӥзьыса, радъя Удмурт Элькунысь йӧскалык лыдӟиськонни. Ужрад ортчоз Н.А. Некрасов нимо Шор муниципал лыдӟетъюртын (Вадима Сивкова урам, 158-тӥ юрт).

Петр Аркадьевич Столыпин (1862–1911) – политика удысын ужась, кунпуш ужъёсъя министр, Россиысь Министръёслэн кенешсылэн тӧроез. Премьер-министр луыса тыршыкуз, Столыпин право, интыысь кивалтэт, аскивалтэт, суд , мерлыко политика, экономика, уксё, ожгар но дышетон удысъёсын уно реформаос ортчытӥз. Тужгес но тодмо луиз солэн гурт удысын радъям реформаез – солы луыса крестьян калык аслыз музъем басьтыны быгатӥз.

 

Столыпин шоры улон вакытаз но, туннэ но пӧртэм сямен учкисьёс вань. Куд-огъёсыз солэсь реформаоссэ ӟечен, пайдаёен лыдъяло, мукетъёсыз адямиосты жалясьтэм луэмез понна пыкыло. Адӟытонлэн нырысетӥ люкетаз, со нимаське «Петр Аркадьевич Столыпин. Начало пути», люкамын Столыпинлэн политика удысын нырысетӥ вамышъёсыз сярысь книгаос но статьяос. «Реформы или революция: мог ли Столыпин спасти Россию?» ёзэт пыр-поч тодматоз Петр Аркадьевичен радъям реформаосын. Нимысьтыз саклык висъямын луоз гурт удыслы, XX даурлэн кутсконаз отын ортчись воштӥськонъёслы (крестьянъёслэн Сибире улыны выжемзы но мукетыз). «Гибель реформатора» люкет вералоз Столыпинлэн берпуметӥ нуналъёсыз но солэн кулэмез сярысь. Петр Аркадьевичлэн ужамезлы, малпанъёсызлы, соин радъям воштӥськонъёслы тодосчиослэн дунъетъёсынызы тодматскыны луоз «Нам нужна великая Россия: идеи П. А. Столыпина сегодня» ёзэтын.

 

Ужрадэ пыриськозы Удмурт кун университетысь история факультетысь дышетӥсьёс, студентъёс, газетчиос.

 

Ӧтиськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru