Версия для слабовидящих

«Просветители земли Русской» адӟытон

«Просветители земли Русской» адӟытон

24-тӥ куартолэзе 16 часын Удмурт Элькунысь йӧскалык лыдӟиськонниын «Просветители земли Русской» адӟытон усьтӥськоз, кудӥз Славян гожъяськетлэн но лулчеберетлэн нуналызлы тупатэмын.

Мукет славян кунъёсын сямен ик, Россиын арлы быдэ сӥлы каро славян гожъяськетэз кылдытӥсьёсты – дун-чылкыт Кириллэз но Мефодиез. Соослэн осконэн герӟаськем гожтэмъёсты славян кылэ берыктэмъёссы славян осконлы но огъя лулчеберетлы инъет луизы. Адӟытонлэн нырысетӥ люкетэз тодматоз Кириллэн но Мефодийлэн улэменызы но югдытон уженызы.

 

Кыкетӥ люкетын бичамын Вашкала Русьын христианство вӧлмон вакытэ тыршем тодосчиос - Сергий Радонежский, Зосима но Савватий Соловецкиёс, дун-чылкыт Антоний, Феодосий сярысь туала но вашкала книгаос.

 

Озьы ик адӟытонын пыр-почгес тодыны луоз православной черклэн дышетон но югдытон уженыз. Россиысь патриархъёслэн но митрополитъёслэн - Филаретлэн, Пименлэн, Алексий II-лэн улэменызы.

 

Адӟытонлэн берпуметӥ люкетаз люкамын Удмурт шаерын улэм вӧсьчиослэн ужамзы сярысь ивортодэт. Татын возьматэмын В. Г. Пуцек-Григоровичлэн, Г. Е. Верещагинлэн, Н. И. Ильминскийлэн гожъямъёссы.


Ужрадэ пыриськозы Удмурт Элькунысь лулчеберетъя, печатья но ивортодэтъя министерствоысь ӧнерчиос, черкын ужасьёс, дышетӥсьёс, тодосчиос, студентъёс.


Адӟытон ужалоз 1-тӥ инвожоозь.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru