Версия для слабовидящих

«Певцы передадут потомству наш подвиг, славу, торжество» адӟытон усьтӥськоз

«Певцы передадут потомству наш подвиг, славу, торжество» адӟытон усьтӥськоз

6-тӥ куарусёнэ 16 часын Удмурт Элькунысь йӧскалык лыдӟиськонни Бородино вӧзысь ожмаськонлы 200 ар тырмонэн валче «Певцы передадут потомству наш подвиг, славу, торжество» адӟытон радъя. Ужрад ортчоз Н.А. Некрасовлэсь нимо шор муниципал библиотекаын (В. Сивкова урам, 158-тӥ юрт).

Адӟытонлэн нырысетӥ ёзэтэз – со нимаське «Роковая ошибка Наполеона», французъёслэн Россиын ожмаськеменызы тодматоз. Татын люкамын тодмо историкъёслэн - В. Г. Сироткинлэн, О. В. Орликлэн, Н. А. Троицкийлэн но мукет тодосчиослэн монографиоссы но статьяоссы. Наполеонлэн улонэз сярысь пыр-поч вералозы Г. Благовещенскийлэн, А. З. Манфредлэн, Ж. Тюларлэн, Е. В. Тарлелэн, Арман де Коленкурлэн книгаоссы.

 

«Всенародный подъем: Отечественная война 1812 года» кыкетӥяз люкетын огазеямын Россиысь калыклэн французъёслы пумит султэмез сярысь ивортодэт – геройлыко ожмаськон, партизанъёс, казакъёслэн геройлыксы сярысь изданиос.

 

Бородино гурт вӧзысь быдӟым ожмаськон сярысь лыдӟыны луоз Л. В. Митрошенколэн, О. В. Михайловалэн но мукет авторъёслэн гожъямъёсысьтызы: отын Шевардинский редут понна ӟырдыт жугиськонъёс, Раевскийлэн батареяез вылэ французъёслэн омырскемзы, Платовлэн кивалтэмез улсын казакъёслэн ожмаськемзы но трос мукетыз пыр-поч возьматэмын.


Адӟытонлэн нимысьтыз люкетэз сӥземын П. И. Багратионлы, М. Б. Барклай де Толлилы, Н. Н. Раевскийлы, Д. Давыдовлы, атаман Платовлы но М.И. Кутузовлы – солэн улонэз, вылӥ быгатонлыко ожгарчи луэмез возьматэмын П. А. Жилинлэн, В. Н. Балязинлэн, М. Брагинлэн книгаосазы.

 

«Славься ввек, Бородино!» нимо ёзэтын люкамын Бородино ожмаськонлы но 1812-тӥ арысь ожлы сӥзем суредъёс, крезьгуръёс, чеберлыко литература.

 

Ужрадэ пыриськозы Удмурт Элькунысь лулчеберетъя, печатья но ивортодэтъя министерствоын ужасьёс, Удмурт кун университетысь дышетӥсьёс, студентъёс, дышетскисьёс.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru