Версия для слабовидящих

Е.Е. Загребинлэн «Гомась шунды» бичетэзлэн презентациез

Е.Е. Загребинлэн «Гомась шунды» бичетэзлэн презентациез

27-тӥ куарусёнэ 17 часын Удмурт Элькунысь йӧскалык лыдӟиськонниысь шаертодонъя но финн-угор литературая ёзэтын (Удмуртская урам, 264-тӥ юрт) «Удмурт шаер» клублэн пумиськонэз ортчем улсын Егор Егорович Загребинлэн «Гомась шунды» бичетэзлэн презентациез ортчоз.Книга печатламын «Удмуртия» книгапоттонниын, гожъяськисьлэн 75 аресэзлы сӥзьыса. Бичетэ пыртэмын Е. Е. Загребинлэн «Инвожо», «Удмурт дунне», «Кенеш» газет-журналъёсын печатлам статьяосыз.

Егор Егорович Загребин – драматург, прозаик, публицист, Удмурт Элькунысь калык писатель (2004), Удмурт Элькунысь лулчеберет удысын сӥё-дано ужась (1991), Россия Федерациысь лулчеберет удысын сӥё-дано ужась (1998), шаерысьтымы Гожъяськисьёслэн огазеяськонзылэн тӧроез (1999-тӥ арысен).

 

Презентациын «Талант, признанный народом» адӟытон ужалоз. Татын люкамын Егор Загребинлэн гожъямъёсыз - «Настя но Степан», «Ошмес», «Портрет» пьесаосыз; «Лесные голоса», «Гроздья рябины» бичетъёсыз; газет-журналъёсын печатламъёсыз, озьы ик писательлэн улэмез но творчествоез сярысь материалъёс - А. Г. Шкляевлэн, Т. И. Зайцевалэн, П. К. Черновлэн, З. А. Богомоловалэн но мукет авторъёслэн ужъёссы.

 

Ужрадэ пыриськозы шаерысьтымы Лулчеберетъя, печатья но ивортодэтъя но Йӧскалык политикая министерствоосысь ӧнерчиос, дышетӥсьёс, тодосчиос, книгапоттониысь ӧнерчиос, «Удмурт кенеш» огазеяськонысь, Гожъяськисьёслэн огазеяськонысьтызы ёзчиос, газетчиос.


Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru