Версия для слабовидящих

«Возведение зданий с монолитным каркасом» книгалэн презентациез

«Возведение зданий с монолитным каркасом» книгалэн презентациез

29-тӥ толшоре 16.00 часын Удмурт Элькунысь йӧскалык библиотекалэн техникая но гурт возёсъя ёзэтаз «Возведение зданий с монолитным каркасом» книгалэн презентациез ортчоз, кудзэ Ижкарысь М. Т. Калашников нимо техникая кун университетлэн «Промышленное и гражданское строительство» кафедраяз ужасьёсыз дасязы.

 

29-тӥ толшоре 16.00 часын Удмурт Элькунысь йӧскалык библиотекалэн техникая но гурт возёсъя ёзэтаз «Возведение зданий с монолитным каркасом» книгалэн презентациез ортчоз, кудзэ Ижкарысь М. Т. Калашников нимо техникая кун университетлэн «Промышленное и гражданское строительство» кафедраяз ужасьёсыз дасязы.

 

Удмуртиын 2014 арын улон коркаосты лэсьтон ӝыны миллион квадратной метрлэсь тросгес луиз. Но та но калыклэн кулэяськонэзлы тырмыт уг луы. Улон коркаосты пуктонэз йылтыны быгатоз ваньмыз пушкысь тужгес азьланё амал – монолитной лэсьтӥськон.

 

Монолит амалэн лэсьтӥськон туннэ элькунамы паськыт кутӥське. Лэсьтӥськон ужлэсь ӟечлыксэ будэтонын бадӟым инты басьтэ корка пуктон удынын ужасьёсты дышетон. Солы луыса ик туж кулэ луэ «Возведение зданий с монолитным каркасом» печатлос, кудӥз таӵе ик нимын дисциплинаез дышетскисьёслы дасямын – инженер-лэсьтӥськисьёслэсь тодонлыкъёссэс но быгатонлыкъёссэс будэтонын тужгес валтӥсь ӧнерлыко дисциплина.

 

Книгалэн авторъёсыз: Валерий Павлович Грахов – профессор, экономика тодосъя доктор, «Промышленное и гражданское строительство» кафедралэн кивалтӥсез, Удмурт Элькунысь лэсьтӥськисьёслэн огазеяськонзылэн азьло президентэз, Удмурт Элькунысь но Росси Федерациысь сиё-дано лэсьтӥськись; Юлия Геннадиевна Кислякова но Николай Михайлович Якушев «Промышленное и гражданское строительство» кафедраысь доцентъёс.

 

Презентациын «Монолитное строительство: наука, технология, практика» адӟытон ужалоз, кудаз Удмурт Элькун библиотекаысь но авторъёслэн библиотекаосысьтызы книгаос, альбомъёс, тодоолыко изданиосысь статьяос пырозы. Ёзэтын ужасьёс лэсьтӥськонъя информационной ресурсъёсын тодматозы, маин ужаны луонлык сётэ Техника но гурт возёс тодос информация центр.

 

Ужрадэ Удмурт Элькунысь Лэсьтӥськонъя но улон инты политикая министерствоын ужасьёс, ИжГТУ-ысь, УдГУ-ысь, КИГИТ-ысь, Монтажной техникумысь дышетӥсьёс, «АСПЭК-Домстрой», «Комос-Строй», «Титан» компаниосысь ӧнерчиос лыктозы.

 

Вань мылкыд карисьёсты возьмаськомы.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru