Версия для слабовидящих

Лыдӟиськон кунокуа толшоре

Лыдӟиськон кунокуа толшоре

26-тӥ толсуре 18.00 часын Удмурт Элькунысь йӧскалык библиотекалэн Лыдӟиськон кунокуааз В. Шуликовскаялэн «Записки мизантропа. Парад неидеальных людей» книгаезлэн презентациез ортчоз, кудӥз «Бон Анца» книгапоттоннниын печатласькиз. Пумиськон Пиналъёслы но егитъёслы элькун лыдӟиськонниын луоз (Пушкинской урам, 200).

 

Валентина Валентиновна Шуликовская Казаньын математикъёслэн семьяязы вордӥськиз, Ижкарысь 30-тӥ номеро школаез но Удмурт кун университетысь математика факультетэз йылпумъяз; – али университетысь экономикаын математической методъёсъя кафедраын ужа. 1999-тӥ арысен «Регулярная и хаотическая динамика» научно-исследовательской центрен но со бордысен радъям «Институт компьютерных исследований» технической литература поттӥсь издательствоен огинэ ужа. Со математикая, механикая, физикая, со сяна химия, биология, история, философия англи, немец, француз, итальян но мукет кылъёсысь тодослыко ужъёсты берыктэ. Аслаз тодослыко-методической ужъёсыз но берыктэмъёсыз сяна, Валентина Шуликовская беллетристической произведениос бордын ужа.

 

Тодосчи синмын учкыса В. Шуликовская малпа, «адямилэн эволюциез куке но дырез валанэн но дырез радъянэн герӟаськемын луоз» шуыса. Ас малпанъёссэ кызьы со ортчоз, кыӵе шуг-секытъёс султозы асьме азе та сюрес вылтӥ мыныку вераз МГУ-ын ортчись темпорология Российской междисциплинарной семинаръёсын (учкелэ Институт исследований природы времени сайтысь), озьы ик «Настоящие путешественники во времени» чеберлыко бичетын (Ижевск : «Бон Анца», 2008).

 

Тодослык, кудзэ асьмеос туала шуыса нимаськом, шонерзэ ке верано, кудӥз Возрождение эпоха дыръя кылдӥз, В. Шуликовскаялэн малпамезъя, куке но улонысь кошкыны кулэ; валаны тыршимы ке, мар со интые лыктоз,тужгес азьланёгес (перспективный) адӟисько наука но паранаука вискысь дисциплинаос.

 

2014 арын «Бон Анца» книгапоттонниын солэн куинетӥ «Записки мизантропа. Парад неидеальных людей» нимо чеберлыко изданиез потӥз. «Шонер-а веран, Европысь цивилизация аслаз либеральностеныз но гуманизменыз ассэ ачиз быдтӥз но йылпумъяське шуыса? Кызьы адями вузан но басьтон мерттэтъёсъя лэсьтэм лулпуштэм дуннеын улэп кыльыны кулэ Книгалэн авторез та но мукет юанъёс сярысь малпаськыны ӧте.»

 

Презентациын книга адӟытон ужалоз, кудаз авторлэн чеберлыко ужъёсыз возьматэмын луоз, тодос книгаосыз но тодос берыктэмъёсыз. Пумиськонын В. Шуликовская люкаськемъёслэн юанъёссылы валэктонъёс сётоз.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru