Версия для слабовидящих

«Современное израильское изобразительное искусство с русскими корнями» книгалэн презентациез

«Современное израильское изобразительное искусство с русскими корнями» книгалэн презентациез

18-тӥ коньывуонэ 16 часын Удмурт Элькунысь йӧскалык лыдӟиськоннилэн искусствоосъя ёзэтаз (Вадима Сивкова урам, 12-тӥ юрт, 224-тӥ каб.) Галина Подольскаялэн «Современное израильское изобразительное искусство с русскими корнями» книгаезлэн презентациез ортчоз.

Галина Геннадьевна Подольская – кылосбур тодосъёсъя доктор, гожъяськись, арткритик, тодосъёсты азинтонъя Израильысь академилэн ёзчиез. 1999-тӥ арысен улэ Израильын. 2002-тӥ арысен «Вести», «Русское литературное эхо», «Меценат и мир», Информпространство», «Мишпоха», «Мысль» газетъёсын печатлаське. Совето союзын вордӥськем искусство удысын ужасьёс сярысь гожъя. Соос пӧлын Ефим Ладыженский, Иосиф Кузьковский, Лев Сырки, Яне Раухвергер, Аарон Априль суредасьёс. Озьы ик Галина Геннадьевналэн гожъямъёсыз печатласько пӧртэм журналъёсын, каталогъёсын но альбомъёсын. Со сяна, тодосчи Израильысь суредасьёслэн огазеяськонзылэн адӟытонъёссылэн кураторзы луэ. 2008-тӥ арын Израильысь суредасьёслэн делегациенызы ӵош со Санкт-Петербургын ортчем «Из Израиля – с любовью» адӟытонэ вуылӥз.

 

Галина Геннадьевналэн выль книгаезлы Совето союзысь Израиле кошкем суредасьёс сярысь уно аръёс ӵоже люкам материалэз инъет луиз. Тодосчи вера, кызьы суредасьёс выль интыын ужаны кутскизы, маин узырмытӥзы Израильысь лулчеберет удысэз. Книга ӟуч, англи но иврит кылъёсын печатламын. Отчы пыртэмын «ӟуч выжыосын» 80-лэсь уно Израильысь суредасьёслэн улэмзы,ужамзы но адӟытонъёссы сярысь гожъямъёс, 500 пала суредъёссылэн репродукциоссы но авторлэн Израильысь искусстволэн 1990-тӥ аръёсы азинскемез сярысь малпанъёсыз.

 

Презентациын «Мир в цвете, дыхание в словах: экскурс в творческую биографию Галины Подольской» книгаосын адӟытон ужалоз. Татын возьматэмын луозы Г. Подольскаялэн книгаосыз но гожъямъёсыз но Израильысь художникъёслэн суредъёссы.

 

Ужрадэ пыриськозы Удмурт Элькунысь лулчеберетъя, печатья но ивортодэтъя министерствоысь ӧнерчиос, шаерысьтымы «Хэсед Ариэль» еврей огазеяськонлэн ёзчиосыз, дышетскисьёс, газетчиос.


Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru