Версия для слабовидящих

«Династия» фондлэн проектэз улсын радъям онлайн-лекциос

«Династия» фондлэн проектэз улсын радъям онлайн-лекциос

23-тӥ но 24-тӥ коньывуонэ Удмурт Элькунысь йӧскалык библиотекалэн гурт удысъя но техникая ивортодэт сётӥсь центраз ( 30 лет Победы ур., 14) Ирина Левонтиналэн «Кто сочиняет новые слова?» но Владимир Сурдинлэн «Роботы летят на Марс» онлайн-лекциоссы ортчозы, кудъёсыз Книгалэн институтэз юрттэмъя «Династия» фондлэн проектэз улсын радъямын.

 

levontina 1

 Ирина Левонтина – кылосбур тодосъёсъя кандидат, В.В. Виноградов нимо ӟуч кылъя институтысь тодосъя валтӥсь ужась, «Новый объяснительный словарь синонимов русского языка» (акад. Ю. Д. Апресянлэн кивалтэмезъя дасям) книгалэн одӥгез авторез, лексической семантикая, лексикографияя, этнолингвистикая но кылбуретлэн кылызъя ужъёслэн авторзы, судебной лингвистической экспертизая ӧнерчи, ӟуч кыл сярысь тодмо статьяослэн авторзы (кудъёсыныз «Стенгазета» сайтын тодматскыны луэ), радио «Маякын» потӥсь «Грамотей» программалэн одӥгез авторез. Ирина Левонтиналэн «Русский со словарем» книгаез 2011 арын «Просветитель» премилэн финалаз потӥз.

 

Лекцилэн пумаз кылзӥсьёс быгатозы Ирина Левонтиналы юанъёс сётыны. «Кин малпа выль кылъёсты?» онлайн-лекция ӟуч кылын выль кылъёсты пӧрмытонлы сӥземын. Улон шоры учконъёс, дунъет сӧзнэт тужгес но зол воштӥськыку (кудӥз пыр али асьмеос ортчиськом), соосты возьматон понна кулэ луо выль кылъёс, кудзэ та дырозь тросгес литература пӧрмытэ вал. Нош туннэ нуналлы кыл шергес гожъяськисьёслы вазиське. Кин нош выль кылъёсты малпа?

Лекцилэн кутсконэз 23 коньывуонэ 16 часын.

 

surdin

Владимир Сурдин – физика но математика тодосъёсъя кандидат, П. К. Штернберг нимо астрономия кун интитутысь (ГАИШ МГУ) тодосъя валтӥсь ужась. Тодослыко тунсыкъяськонъёсыз пӧлысь валтӥсез – кизилиослэн люкаськон но пӧрмон динамиказы. Тодосэн но дышетон ужен вырем сяна, тодосчи трос кужымзэ висъя тодосэз калыке вӧлмытонлы. Со 2012 арын Александр Беляев нимо литература премилэн лауреатэз луиз, «Путешествия к Луне» но «Разведка далеких планет» книгаосыныз 2010 но 2012 аръёсы «Просветитель» премилэн финалаз потӥз.

 

«Роботъёс Марсэ лобо» онлайн-лекция сӥземын космосэз тодослыко эскеронын адямилэн юрттӥсьёсызлы. Котькудӥз вылез Марсэ пуксем робот азьвылэзлэсь визьмогес.

Лекцилэн кутсконэз 24 коньывуонэ 11 часын.

 

Лекциослэн пумаз тодосчиослы юан сётыны луоз.

 

Вань мылкыд карисьёсты возьмаськомы.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru