Версия для слабовидящих

«Герман Ходыревлэн азбараз» нимо элькун ӵошатскон

«Герман Ходыревлэн азбараз» нимо элькун ӵошатскон

2012 арын 1-тӥ шуркынмонысен 31 толсурозь «Герман Ходыревлэн азбараз» нимо элькун ӵошатскон ортчоз, кудӥз удмурт нылпи гожъяськисьлэн Герман Алексеевич Ходыревлэн 80 арес тырмонэзлы сӥземын. Ужрадэз эльнунысь нылпиослы «Ӟечбур» газет, Удмурт Элькунысь Дышетонъя но наукая министерство, Удмурт Элькунысь йӧскалык библиотека но Ижкарысь удмурт кылъя дышетӥсьёслэн огазеяськонзы дасязы.

Г. А. Ходырев (1932–1995) – кылбурчи, журналист, Росси Федерациысь гожъяськисьёслэн огазеяськонзылэн ёзчиез, Удмуртиысь калык гожъяськись, РСФСР-ысь калыкез дышетонъя отличник, УАССР-ысь лулчеберет удысын сӥё-дано ужась, Комсомол Удмуртии премилэн лауреатэз. Солэн нимыныз Ижкарысь 20-тӥ номеро школаысь Литературной шаертодонъя музейлы сётэмын. Кылбурчилэн улэм корказ (ул. Пушкинская, 217) мемориальной пул ошемын. Гожъяськисез тодэ возён вылысь но солэсь творчествозэ калыке вӧлмытон понна удмурт лулчеберетъя "Дэмен" огазеяськонэн но «Ӟечбур» газетэн юнматэмын Герман Ходырев нимо йӧскалык преми.

 

«Герман Ходыревлэн азбараз» ӵошатскон дасямын удмурт кыллэсь данлыксэ будэтон но калык асваланэз пыӵатон вылысь, пиналъёслэсь азьланяз удмурт кылэз дышетыны тунсыкъяськонзэс будэтон понна.

 

Ӵошатскон кык номинациосын радъяськоз: «Удмуртилэн данъяськонэз» (пыриськисьёс Г. Ходыревлэн улон-вылонэз сярысь юанъёслы вераны кулэ) но «Яратоно бамъёсты бугыръяса» (Г. Ходыревлэн чеберлыко произведениоссыя иллюстрациосты яке иллюстраци сузьетъёсты кылдытон).

Ӵошатсконэ 1-тӥ классысен 11-тӥ классын дышетскисьёс пыриськыны быгато.

 

Вормисьёс 2013 арын толшорлэн кутсконаз тодмо луозы. Та сярысь ивор Йӧскалык библиотекалэн сайтаз но «Ӟечбур» газетлэн бамъёсаз шедьтыны быгатоды. Вань пыриськисьёс сертификат басьтозы, вормисьёслы дипломъёс сётозы.

 


Вопросы для 1–5 классов
Вопросы для 6–11 классов

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru