Версия для слабовидящих

«От Руси до России: к 1150-летию российской государственности» адӟытонэз усьтон.

«От Руси до России: к 1150-летию российской государственности» адӟытонэз усьтон.

8-тӥ шуркынмонэ 16 часын «От Руси до России: к 1150-летию российской государственности» адӟытон усьтӥськоз, кудӥз Н.А. Некрасов нимо шор муниципал библиотекаын ортчоз (В. Сивкова ур., 158).

«Повесть временных лет» летописьлэн верамезъя, Росси кунлыклэн кутсконэз лыдъяське 862 арысен, куке варяг Рюрик Новгородэ княжение ӧтемын вал. Россилэн 1000 аръем историез 1862 арын пусйиськиз Нижний Новгородын, кытчы юбилей арлы сӥзьыса «Тысячелетие России» синпелет пуктэмын вал.

 

«От Руси до России: к 1150-летию зарождения российской государственности» книга адӟытон кык люкетэн возьматэмын. Нырысетӥез – «От Киевской Руси до Российской империи» – тодматэ ӟуч кунлэн историезъя ужъёсын, IX–XII дауръёсы ӟуч музъемъёс сярысь, бигер-монгол кузёяськон вакыт сярысь (кудӥз кутскон сётӥз нимысьтыз княжествоослы одӥг кунэ огазеяськонлы), XV–XVI аръёсы луэм учыръёс сярысь но ӟуч кунлыклэн Росси Импери вакытысь шуг-секытъёсыз сярысь книгаосын.

 

Адӟытонлэн кыкетӥ люкетэз «Российская государственность XX–XXI вв.» огазея Россилэн историезлэсь совето но туала вакытэз. Та люкетэ пырем ужъёс совето мерлэн кылдэмез сярысь, солэн политика но экономика удысын азинсконъёсыз сярысь, трос калыко кунлэн радъяськемез сярысь, совето дыр бӧрсьы Росси кунлыклэн кылдэмез сярысь верало.

 

Адӟытонын возьматэмын исторической документъёслэн текстъёссы, XVIII–XIX даурысь историкъёслэн ужъёссы (Н. М. Карамзинлэн, В. О. Ключевскийлэн, Н. И. Костомаровлэн) но туала тодосчиослэн ((Е. В. Пчеловлэн, А. А. Ананьевлэн, Р. П. Толмачевлэн, Г. В. Носовскийлэн, Р. Г. Скрынниклэн, В. Г. Сироткинлэн).

 

Ужрадлэн программаяз – адӟытонлэн темаезъя «Эрудит-квартет» шудон, кудзэ Ижкарысь «Что? Где? Когда?» интеллектульной шудонъёсъя клублэн президентэз Михаил Андреевич Эстрин ортчытоз.

 

Адӟытонэз усьтонэ Лулчеберетъя, печатья но ивортодэтъя министерствоысь ӧнерчиос, Удмурт кун университетысь история факультетысь дышетӥсьёс, студентъёс но кар школаосын дышетскись пиналъёс пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru