Версия для слабовидящих

В. Г. Осетровлэн «Зарождение и развитие технологии машиностроения в Удмуртии» книгаезлэн презентациез

В. Г. Осетровлэн «Зарождение и развитие технологии машиностроения в Удмуртии» книгаезлэн презентациез

22-тӥ шуркынмонэ 16 часын Удмурт Элькунысь йӧскалык библиотекалэн техникая но гурт возёсъя ёзэтаз (30 лет Победы ур., 14) Владимир Григорьевич Осетровлэн «Зарождение и развитие технологии машиностроения в Удмуртии» книгаезлэн презентациез ортчоз.

Книга вузъёсын дышетскисьёслы «Введение в технологию машиностроения» предметлэсь выль куронъёссэ чакласа дасямын, кудӥз усьтэ ӧнерлэсь историзэ, вормонъёссэ но азинсконъёссэ, Удмуртииын машиностроительной комплекслэсь азьланьтӥськемзэ, машиностроения технологилэн тодосэн, ӧнерчиосты дасянэн герӟаськемзэ но мукет.

 

В. Г. Осетров – техника тодосъёсъя доктор, Ижкарысь техникая М. Т. Калашников нимо кун университетысь «Конструкторско-технологическая подготовка машиностроительного производства» кафедралэн профессорез. Солэн тодослыко ӧрез – машиностроениын люкан производстволэсь технологизэ но радъянзэ умойгес карон. Та удысын со дасяз машиналэсь детальёссэ ватсам материалъёсты но ёзэтъёсты воштыса люкан амал, полимерной материалъёсты кутыса, шонерлыкез будэтон амалъёс но мукет. 2001 арысен 2011 ар куспын гинэ профессор Осетров печатлаз 50 тодослыко ужъёссэ, соос пушкысь 7 монография, кулэ луись модельёсты малпамезлы 17 патент но программной продуктъёслы 3 свидетельство басьтӥз, кудъёсыз ЭВМ программаослэн огъя реестразы пыртэмын.

 

Презентациын «Машиностроение Удмуртии» книга адӟытон ужалоз, кудӥз кык люкетъёслэсь сылэ – «Развитие научного машиностроения Удмуртии» но «Машиностроительный комплекс Удмуртии». Пумиськонын возьматозы шаерысь но быдэс дунне вылысь машиностроения информационной ресурсъёс сярысь презентация, кудъёсыныз ужаны луонлык вань Йӧскалык библиотекалэн техникая но гурт возёсъя ивортодэт центраз.

 

Презентацие Удмурт Элькунысь промышленностья но энергетикая, озьы ик Лулчеберетъя, печатья но ивортодэтъя министерствоосысь ӧнерчиос, Ижкарысь техникая кун университетысь но Ижкарысь гурт возёсъя академиысь дышетӥсьёс, ОАО «Редукторын», НИТИ «Прогрессын» но ЭМЗ «Куполын» ужасьёс пыриськозы.


Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru