Версия для слабовидящих

Лыдӟиськон кунокуа шуркынмонэ

Лыдӟиськон кунокуа шуркынмонэ

26-тӥ шуркынмонэ 18 часын Удмурт Элькунысь йӧскалык библиотекалэн Лыдӟиськон кунокуаяз газетчиен, гожъяськисен но драматурген Даниил Клеоповен пумиськон ортчоз. Ужрад Йӧскалык библиотекалэн литературая но искусствоя ёзэтаз луоз(Камский институт гуманитарных и инженерных технологий; В. Сивкова ур, 12 а, 224 бӧл.).

Даниил Клеопов 1965 арын Ижкарын вордӥськиз. Удмурт кун университетысь истори факультетэз йылпумъяса, радиоын иворъёсты верась луыса, «Удмуртия многонациональная» программалэн малпасез но нуисез луыса, Москваысь но Санкт-Петербургысь радиосын ужаз.

 

Д. Клеопов тужгес но тунсыкъяськиз радиодраматургиен. Солэн дасямъёсыз пушкын (ваньмыз 30-лэсь трос) «Маски», «Метафизика куклы», «Саботаж», «Шкатулочка» но мукетъёсыз (режиссёрез – И. М. Слободчиков).

 

2011 арлэн пумаз Ижкарысь «МИФ» театр-студиын (режиссёрез Ксения Лещёва) Д. Клеоповлэн пьесаезъя пуктэм «Дарья из погреба» спектакль Удмуртиысь театр улонын яркыт ужрад луиз.

 

Даниил Клеоповлэн творческой тунсыкъяськонъёсыз туж пӧртэмесь (Удмуртиысь литераторъёслэн огазеяськонзылэн ёзчиез луыса, со кутскиз вал кылбурчи луыса), нош берло дыре со проза гожъя. Прозаикез кадь сое тодмо ӟуч гожъяськись но берыктӥсь Асар Эппелем синйылтӥз, кудӥз Д. Клеоповлэсь азьвыл потэм «Таро» вероссэ Москваысь «Текст» издательствоын 2012-тӥ арын потэм «В облупленную эпоху» бичетаз пыртӥз.

 

Лыдӟиськон кунокуалэн пумиськоназ автор аслаз прозаической тектъёсызъя аспӧртэмлыко моноспектакль возьматоз. Калык крезьгур инструментъёсын Мария Курихина («Птица тылобурдо» группа) шудоз.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru