Версия для слабовидящих

Гожъяськисен Фёдор Пукроковен пумиськон

Гожъяськисен Фёдор Пукроковен пумиськон

29-тӥ шуркынмонэ 16 часын Удмурт Элькунысь йӧскалык лыдӟиськонниысь шаертодонъя но финн-угор литературая ёзэтын (Удмуртская урам, 264-тӥ юрт) «Удмурт шаер» клублэн заседаниез ортчем улсын гожъяськисен Фёдор Пукрокович Пукроковен творческой пумиськон луоз, кудӥз солэн 75 арес тырмонэзлы сӥземын.

Фёдор (Фатихян) Пукрокович Пукроков (ворд. 1937 арын Башкириысь Вязовка гуртын) – удмурт гожъяськись, драматург, публицист, 1988 арысен Росси Федерациысь гожъяськисьёслэн огазеяськонзылэн ёзчиез. Гожъяськонзэ кылбуръёс бордысен мытӥз, «Вылӥысен учкем потэ» (1969), «Думем тöл» (1973) но мукет кылбур бичетъёслэн авторзы. Солэн удысбураз ӧжыт ӧвӧл сыӵе ужъёсыз, кудъёсыз удмурт литературалэн историез понна одӥг гинэ луо (кылбурен гожтэм «Ошмес-син» роман-малпаськон, «Тайна трех иллюзий» повесть-исповедь, медитативной лирика жанрен гожтэм «Месяц замерзания рек» кылбур). Удмурт Элькунысь йӧскалык кун театрен но Удмурт Элькунысь кун мунё театрен ӵош кариськыса, Фёдор Пукроков нылпиослы но бадӟымъёслы пӧртэм пьесаос («Новоселье» пьеса, «Когда сверкает радуга» романтической драма, «Чудо-скатерть» кылбуръёсын пьеса но мукет) кылдытӥз. Бигер но башкир авторъёсты удмурт кылэ берыктэменыз но тодмо луиз.

 

Творческой пумиськонын «Вся моя жизнь – поиск новых дорог» книга адӟытон ужалоз. Нырысетӥ люкетаз – «Жизнь и творчество писателя» – В. Н. Ившинлэн улэмез но ужамез сярысь «Кенеш», «Инвожо», «Италмас», «Луч» журналъёсын печатласькем критико-биографической но литературной статьяос пыртэмын. Кыкетӥ люкетэз – «Во всем многообразии жанров» – тодматоз Вениамин Ившинлэн чеберлыко ужъёсыныз (кудъёсыз пӧлын кузьмадёсъёсыз, веросъёсыз, кылбур бичетъёсыз, пиналъёслы произведениосыз, журнал-газетъёсын потэм очеркъёсыз но мукет).

 

Ужрадэ пыриськозы шаерысьтымы Лулчеберетъя, печатья но ивортодэтъя министерствоысь ӧнерчиос, Удмурт Элькунысь гожъяськисьёслэн огазеяськонысьтызы ёзчиос, Удмурт кун университетысь дышетӥсьёс.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru