Версия для слабовидящих

Удмуртиысь библиотекаослэн огъя ивортодэт порталзылэн презентациез

Удмуртиысь библиотекаослэн огъя ивортодэт порталзылэн презентациез

5-тӥ толсуре 11 часын Удмурт Элькунысь йӧскалык библиотекалэн техникая но гурт возёсъя ёзэтаз (30 лет Победы ур., 14) Удмуртиысь библиотекаослэн огъя ивортодэт порталзылэн презентациез ортчоз, кудӥз «Развитие информационного общества в Удмуртской Республике на 2011–2015 гг.» РЦП юрттэмъя лэсьтэмын.

Огъя ивортодэт портал – со ӵошен лэсьтэм проект, кудӥз Удмуртиысь библиотекаослэсь интернетын ужзэс кужмоятыны, лыдӟисьёслы электрон амалэн сётӥськись юрттэтъёсты умойгес карыны кулэ.

Порталэз лэсьтэ но технически юрттэ Удмурт Элькунысь йӧскалык библиотека. Озьы ик элькунлэн каръёсысьтыз но ёросъёсысьтыз библиотекаос уже пырисько, кудъёсыз асьсэлэсь материалъёссэс отчы пыртыны быгато.

 

Портал вань муниципал библиотекаослэн ресурсъёсазы огъя потон луонлык сётэ но тодматэ соослэн ужаменызы но юрттэтъёсынызы.

 

Порталэ пырисьёс быгато:


проектэ пыриськись библиотекаослэн электрон каталогъёсысьтызы документъёсты утчаны;
«Электронная доставка документов» (ЭДД) сервисэз уже кутыса книга люкетлэсь, периодика изданиысь яке бичетъёсысь статьяослэсь копизэ басьтыны;
огъя Виртуальной справочной службае (ВСС) куриськонэн вазиськыны;
элькунысь библиотекаосын быдэсъяськись электрон амалэн сётӥськись кун юрттэтъёсын тодматскыны но солы вазиськыны;
библиотекаос бордысь центръёслэн, клубъёслэн, огазеяськонъёлэн ужаменыз тодматскыны;
порталысь Форумлэн кенешонъёсаз пыриськыны;
библиотекалэн ужамез сярысь ас мылкыддэ вераны;
библиотекаын ортчем ужрадъёсын Медиагалереяез учкыны;
«Рекомендуем почитать» люкетысь выль книгаосын тодматскыны.

 

Ужрадэ пыриськозы шаерысьтымы лулчеберетъя, печатья но ивортодэтъя, информатизация но герӟетъя министерствоосысь ӧнерчиос, элькунысь кар но ёрос библиотекаосысь ужасьёс, газетчиос.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru