Версия для слабовидящих

З. А. Богомоловалэн 90 арес тырмонэзлы сӥзьыса дасям книгаослэн презентацизы

З. А. Богомоловалэн 90 арес тырмонэзлы сӥзьыса дасям книгаослэн презентацизы

12-тӥ тулыспалэ 17.00 часын Удмурт Элькунысь йӧскалык библиотека О. В. Парфёновалэн «Родник вдохновения» но Н. Д. Украинецлэн «Струится теплый свет души...» книгаоссылы презентация ортчытэ. Ужрад М. Т. Калашников нимо музей комплексын ( Бородина ур., 19) ортчоз.

Зоя Алексеевна Богомолова – литературовед, критик, дышетӥсь, Удмурт Элькунлэн Дано улӥсез, Удмурт Элькунысь Кун премилэн лауреатэз, Россиысь гожъяськисьёслэн огазеяськонзылэн ёзчиез, Удмурт кун университетлэн профессорез, «Италмас» журналлэн валтӥсь редакторез. 40 арлэсь трос со Удмуртиын улӥсь гожъяськисьёслэсь но суредасьёслэсь ужъёссэс эскеронэн но вӧлмытонэн выриз. Со 20-лэсь ятыр книга, сюосын статьяос но рецензиос гожтӥз, удмурт поэзия но проза сярысь пумиськонъёс ортчытӥз.

 

О. В. Парфёновалэн «Родник вдохновения» бичетаз статьяос, очеркъёс, вакчи веросъёс, журналистъёслэн, гожъяськисьёслэн, тодосчиослэн, Удмуртиысь политика удысын ужасьёслэн Зоя Алексеевна сярысь тодэ ваёнъёссы люкамын. Н. Д. Украинецлэн «Струится теплый свет души...» книгаяз авторлэн Зоя Алексеевнаен пумиськонъёсысь тодэ ваёнъёс пыризы. Кык книга ик дасямын вал Зоя Алексеевналэн 90 арес тырмонэзлы, кытчыозь со кӧня ке толэзь гинэ улыса ӧз вуы.

 

Презентациын «Струится теплый свет души...» нимо книга адӟытон ужалоз, кудаз З. А. Богомоловалэн пӧртэм ужъёсыз пырозы, озьы ик солэн улонэз но ужан сюресэз сярысь книгаос но публикациос.

 

Ужрадэ шаерысьтымы Лулчеберетъя, печатья но ивортодэтъя министерствоысь ӧнерчиос, Удмурт кун университетысь дышетӥсьёс, журналистъёс, мерлыко огазеяськонъёсысь, лулчеберет организациосысь адямиос пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru