Версия для слабовидящих

«Алишер Навои: “Я славлю жемчуг слова...”» адӟытонэз усьтон

«Алишер Навои: “Я славлю жемчуг слова...”» адӟытонэз усьтон

27-тӥ тулыспалэ 16.00 часын Эшъяськон юртын ( Орджоникидзе ур., 33 а) Удмурт Элькунысь йӧскалык библиотека «Азия Плюс» калыклы юрттонъя но лулчеберетэз азинтонъя узбек огазеяськонэн ӵош «Алишер Навои: "Я славлю жемчуг слова..."» адӟытонэз усьтон радъя.

 

Алишер Навои (Низамаддин Мин Алишер) – тюрк философ, кун ужась но Шор Азилэн литератураяз бадӟым воштӥськонъёс пыртӥсь кылбурчи. Алишер Навоилэн гожтэмъёсыз трос но пӧртэм пумо – ог 30 пала бадӟым произведениосыз.

 

Адӟытонлэн нырысетӥ люкетэз – «Возлюбленный сердец: история Алишера Навои» – кылбурчилэн улонэз но ужанэз сярысь ужъёсты возьматэ. Кыкетӥ люкетэз – «Сокровищница мыслей: литературное наследие Алишера Навои» – Навоилэн кылбуръёсыныз, поэмаосыныз но газельёсыныз (кык чуръем вакчи кылбур) тодматоз. Люкетлэн экспонатъёсыз пушкын – Алишер Навоилэн ӟуч но узбек кылэ берыктэм ужъёсыз, вуж узбек кылын гожтэм уженыз манускриптлэн фотокопиез, пичи форматэн дасям «Фархад и Ширин» поэма но мукет.

 

Адӟытонлэн куинетӥ люкетэз – «Не могут люди вечно быть живыми, но счастлив тот, чье помнить будут имя» – Навоилэн улонэн но ужъёсыз сярысь статьяосты, чеберлыко литература, кылбурчи сярысь выжыкылъёсты (книгаос но аудиогожтэмъёс), Алишер Навоилэн синпельметъёсызлэсь туспуктэмъёссэ огазея.

 

Мероприятиын озьы ик Алишер Навоилэсь кылбуръёссэ лыдӟозы.

 

Адӟытонэз усьтонэ Удмурт Элькунысь йӧскалык политикая министерствоын но История, кылъя но литературая институтысь ужасьёс, журналистъёс пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru