Версия для слабовидящих

Константин Сонинлэн «Кризис еврозоны: 2009–?» онлайн-лекциез

Константин Сонинлэн «Кризис еврозоны: 2009–?» онлайн-лекциез

27-тӥ тулыспалэ 16.00 часын Удмурт Элькунысь йӧскалык библиотекалэн Интернетэн ужанъя но дышетонъя центраз (Синтэмъёслы элькун библиотека, Ломоносова урам, 9-тӥ юрт) Константин Сонинлэн «Кризис еврозоны: 2009–?» онлайн-лекциезлэн трансляциез ортчоз, кудӥз Книга институтлэн юрттэмезъя «Династия» фондлэн проектэз улсын ортчытӥське.

1990-тӥ аръёслэн кутсконазы Европаын огъя валюта кылдытон сярысь малпанъёс кылдӥзы, экономикая тодосчиос вераллязы, та луонтэм шуыса, нош практик-экономистъёс оптимизмен учкизы. Евролы потон 1999-тӥ ар но со бӧрсьы кӧня ке аръёс зэм ик оптимизмлы валэктон вань шуыса возьматӥзы. Нош 2010-тӥ арын луэм но туннэ нуналозь кыстӥськись кризис зэматӥз тодосчиослэсь кышканъёссэ. Мар умоез огъя валюталэн но малы соин йырин экономика кризисэз тросгес шӧдыны кутскиз? Мар каро но мар каремзы луэ на кивалтэтъёслэн Европаез огинын кельтыны? Та юанъёсты аслаз «Кризис еврозоны: 2009–?» онлайн-лекцияз Константин Сонин ӝутэ.

 

Константин Исаакович Сонин – Россиысь экономист, физика но математика тодосъёсъя кандидат, Россиысь экономика школалэн (РЭШ) но Экономикая но финансъя эскеронъёсты нуись центрлэн профессорез, Америкаысь кӧня ке университетъёсысь куно профессор, РЭШ-лэн проректорез. Б. Л. Овсиевич нимо премилэн (2008-тӥ ар понна кыкетӥез премия); Global Development Network премилэн лауреатэз (нырысетӥез премия 2004-тӥ ар понна, кыкетӥез премия 2006-тӥ, 2009-тӥ аръёс понна); «Лучший экономист РАН» (2002, 2003 аръёсы) нимен пусъемын.

 

Константин Сонинлэн «Sonin.Ru: уроки экономики» (М. : Юнайтед Пресс, 2011) «Просветитель-2011» премилэн вакчи списоказ пыриз.

 

Лекцилэн пумаз кылзӥсьёслэн Константин Сонинлы юанъёс сётыны луонлыксы вань.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru