Версия для слабовидящих

Р. А. Мининлэн «Архитектор Чарушин» книгаезлэн презентациез

Р. А. Мининлэн «Архитектор Чарушин» книгаезлэн презентациез

25-тӥ южтолэзе 18 часын Удмурт Элькунысь йӧскалык библиотекалэн Лыдӟиськон кунокуааз Р. А. Мининлэн «Архитектор Чарушин» книгаезлэн презентациез ортчоз. Ужрад Йӧскалык библиотекалэн искусствоя ёзэтаз (Камский институт гуманитарных и инженерных технологий; В. Сивкова ур, 12 а, 224 бӧл.) луоз.

Рудольф Андреевич Минин – Удмурт Элькунысь сӥё-дано лэсьтӥськись, шаерчи. Быдэс улонзэ Ижкарысь лэсьтӥськонъя но монтажъя организациосын ужаз (пыриськиз Ижевскысь машина заводэз но карысь мукет юртъёсыз лэсьтонэ). Пичи но пинал дырзэ Орлов карын отчытӥз – Иван Аполлонович Чарушинлэн вордскем интыяз.

 

Рудольф Андреевич шаерчиез сярысь ивортодэт одӥг ар гинэ ӧз люка, нош али солэн 150-аресэзлы сӥзьыса книга поттӥз, кудӥз лыдӟисьёсты архитектор-художниклэн капчи луисьтэм улонэныз тодматэ, кудӥзлэн проектъёсызъя 500-лэсь трос архитектура объектъёс лэсьтэмын, соос пушкын Свято – Михайловский собор но, кудӥз чеберлыкезъя Росси империын куинетӥ инты басьтӥз.

 

Лыдӟиськон кунокуаын Р. А. Минин тодматоз аслаз книгаеныз но вералоз, кыӵе инты басьтӥз И. А. Чарушинлэн улоназ огшоры ужась-революционер Степан Халтурин но гожъяськись Антон Павлович Чехов, Сахалинлэн губернаторез барон Корф но император Николай II, архитекторлэн ӵыжы-выжыосыз сярысь, калыклы тодмо луись пиез Евгений Чарушин сярысь, кинлэсь суредо книгаоссэ Совето Союзысь но озьы ик Россиысь пиналъёс лыдӟыса будӥзы.

 

Удмурт Элькунысь йӧскалык библиотекалэн искусствоя ёзэтаз ужасьёс тодмо архитектор но солэн усто ӵыжы-выжыосыз сярысь адӟытон дасязы.

 

Мылкыд карисьёс Р. А. Мининлэсь «Архитектор Чарушин» книгазэ басьтыны быгатозы.

 

Возьмаськомы ваньзэсты, кинлы та ужрад тунсыко луиз.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru