Версия для слабовидящих

Владимир Плунгянлэн «Разнообразие языков человечества» онлайн-лекциезлэн трансляциез

Владимир Плунгянлэн «Разнообразие языков человечества» онлайн-лекциезлэн трансляциез

2-тӥ коньывуонэ 16 часын Удмурт Элькунысь йӧскалык лыдӟиськоннилэн Интернетэн ужаны дышетонъя центраз (али со интыяськемын Удмурт Элькунысь сукыръёслы лыдӟиськонниын – Ломоносова урам, 9-тӥ юрт) Владимир Плунгянлэн «Разнообразие языков человечества» онлайн-лекциез ортчоз. Со радъямын Книгалэн институтэз юрттэмъя, «Династия» фондлэн проектэз улсын.

Владимир Плунгян – МГУ-ысь кылтодонъя факультетысь профессор, Россиысь наукаосъя академилэн член-корреспондентэз, Россиысь наукаосъя академиысь Кылтодонъя институтлэн типологияя ёзэтэныз но В.В. Виноградовлэсь нимзэ нуллӥсь ӟуч кылъя институтысь лингвистикая но кылосбуръя ёзэтэн кивалтӥсь. Владимир Плунгян ужаз Европаысь наукая уно центръёсын - Франциын, Бельгиын, Германиын, Испаниын но мукет интыосын. Озьы ик эскериз Африкаын, Кавказын, Россилэн уйпалаз улӥсь калыкъёслэсь кылъёссэс.

 

Владимир Плугянинлэн тодослыко тунсыкъяськонъёсыз пӧлын – огъя но ӟуч морфология, грамматикалэн теориез но типология; со сяна автор грамматика но лексика удысысь семантакиен, лексикографиен, бусы лингвистикаен, корпус лингвистикаен, поэтикаен выре.

 

В. Плунгянлэн «Почему языки такие разные» книгаез 2011-тӥ арын «Просветитель» премиен пусъемын вал.

 

Онлайн-лекцияз тодосчи кылзӥсьёсты кылъёслэн узырлыкенызы тодматоз. Туннэ нуналлы адямиослы 7 сюрслэсь уно кылъёс тодмо. Ваньзылэн соослэн огвыллемез вань ке но, соос туж пӧртэмесь. Кылъёслэсь аспӧртэмлыксэс эскере нимысьтыз тодос – лингвистической типология. Ӵапак со сярысь вералоз аслаз лекцияз В. Плунгян.

 

Лекция йылпумъяськем бере кылзӥсьёс тодосчилы юанъёс сётыны быгатозы. 

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее