Версия для слабовидящих

Немец кылъя Калыккуспо лыдӟонъёс улсын ортчись «Книги в огне» декламаци ӵошатскон

Немец кылъя Калыккуспо лыдӟонъёс улсын ортчись «Книги в огне» декламаци ӵошатскон

2-тӥ оштолэзе 12.00 часын Ижкарысь 22-тӥ номеро лингвистикая лицейын (пер. Северный, 53), «Книги в огне» нимо Калыккуспо лыдӟонъёс улсын немец кылын декламаци ӵошатскон ортчоз, кудӥз лицейысь дышетӥсьёсын но Удмурт Элькунысь библиотекаын ужасьёсын радъямын.

Калыккуспо историко-литературной «Книги в огне» лыдӟонъёс дышем сямен Книгалэн нуналыз азьын ортчо, кудӥз Германиын 10-тӥ куартолэзе варвар акциез – «20-тӥ даурысь аутодафе»-ез тодэ вайыса ортчытӥське, кудзэ дасязы нацист идеологъёс. 1933-тӥ арын 10-тӥ куартолэзе Германилэн трос каръёсаз калык азьын Гитлерлэн радлыкезлы тупасьтэм книгаос ӝуатэмын вал: Г. Гейнелэн, Б. Брехтлэн, Генрих но Томаса Маннъёслэн, К. Тухольскийлэн, Л. Фейхтвангерлэн, Э.-М. Ремарклэн но трос мукетъёсызлэн. Берлинын гинэ 20 сорс книга тылэ куштэмын вал.

 

Ӵошатсконэ 22-тӥ номеро лицеысь 8–11 классын дышетскисьёс пыриськозы, кудъёсыз немец кылын тодмо немец кылбурчиослэсь кылбуръёссэс лыдӟозы, соос пӧлын Генрих Гейне, Альфред Керр, Бертольд Брехт, Иоганнес Роберт Бехер но мукет «ӝуатэм» авторъёс. Ужрадлэн программаяз «Огонь и книги: исторические хроники» презентациез возьматон, кудзэ Удмурт Элькунысь йӧскалык библиотекаын ужасьёс дасязы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru