Версия для слабовидящих

Финн-угор материалъёсты цифровой амалэ поттон проектэ пыриськисьёслэн кенешонзы

Финн-угор материалъёсты цифровой амалэ поттон проектэ пыриськисьёслэн кенешонзы

11–13-тӥ оштолэзе Удмурт Элькунысь Йӧскалык библиотекаын Конэ нимо фондлэн кылъя программаезлэн юрттэмезъя финн-угор материалъёсты цифровой амалэ поттон проектэ пыриськисьёслэн кенешонзы ортчоз. Кенешонлэн азьмугез – проектъёсты быдэстонъя ӵош ужан амалъёсты паськытатон но азьланяз дышетон семинаръёсты ортчытон.

Ужрадэ пыриськозы Удмурт Элькунысь Йӧскалык библиотекаысь ужасьёс, Финляндиысь Йӧскалын библиотекаысь ужась Юсси-Пекка Хаккарайнен (финн-угор материалъёсты цифровой амалэ поттон проектлэн кивалтӥсез) но Джек Рютер («Морфологический анализ миноритарных языков Урала» проектлэн кивалтӥсез) пыриськозы.

 

Берло аръёсы библиотекаосын финн-угор кылъёсын цифровой материалъёс трослы йылӥзы. Тросэз библиотекаос асьсэлэсь электрон бичетъёссэс лэсьто но соосын ужаны луонлык сёто, малы ке шуоно финн-угор кылъёсын вуж но выль материалъёсты калыке вӧлмытон кылэз дышетыны юрттэ, кудӥз йӧскалык лулчеберетлэн огез валтӥсь люкетэз луэ.

 

Озьы ке но туннэ нуналын ӧвӧл на огъя платформа, кудӥз вань финн-угор электрон бичетъёсын ужаны юрттысал. Цифровой амалэ поттэм материалъёс библиотекаослэн интернет-бамъёсаз интыямын. Ӧвӧл огъя куронъёс цифровой амалэ поттэм материалъёслэн ӟечлыксылы, мар, кылсярысь, шуг-секытъёс вае сое кылъя эскеронъёсын кутыны.

 

Йӧскалык библиотека трос гинэ ужаз ни документъёсты цифровой амалэ поттон бордын, соос пушкын удмуртъёсыз но («Развитие информационного общества в Удмуртской Республике» целевой программалэн юрттэмезъя но «О государственных языках УР и иных языках народов УР» Удмурт Элькунысь катэз быдэстонъя, озьы ик Россиысь финн-угор калыкъёслы юрттонъя финн программалэн грантъёсызъя но Конэ нимо фондлэн Кылъя программаезъя). Библиотекалэн азьланезлы ужан малпанъёсыз – Финляндиысь йӧскалык библиотекаен ӵош огъя информационной сӧзнэт лэсьтон бордын ужан, кытчы пӧртэм библиотекаосысь финн-угор материалъёс пырозы.

 

11-тӥ оштолэзе 13.30 часын Ижевскысь Н. А. Некрасов нимо шор муниципал библиотекаын (Вадима Сивкова ур., 158) «Проекты оцифровки финно-угорских материалов» (кивалтӥсьёсыз Ю.-П. Хаккарайнен но Удмурт Элькунысь Йӧскалык библиотекалэн директорезлэн воштӥсез Г. Ю. Шантурова) нимо семинар ортчоз.

 

12-тӥ оштолэзе 15.30 часын Удмурт Элькунысь Йӧскалык библиотекалэн шаертодонъя но финн-угор литературая ёзэтаз (Удмуртская урам, 264-тӥ юрт) кылчиослы «Проект "Морфологический анализ миноритарных языков Урала"» нимо семинар ортчоз, кытын солэн кивалтӥсез Джек Рютер проектлэн цельёсыз, морфологической анализаторъёсты лэсьтон но соосты азьланяз уже кутон луонлыкъёс сярысь, соос пушкын словарьёсты, шонер гожъямез эскерись программаосты лэсьтон сярысь вералоз.

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru