Версия для слабовидящих

Янка Купалалы 130 арес тырмонэзлы сӥзем литература ӝыт

Янка Купалалы 130 арес тырмонэзлы сӥзем литература ӝыт

18-тӥ оштолэзе 17.00 часын белорус литература классиклы Янка Купалалы 130 арес тырмонэзлы сӥзем литература ӝыт ортчоз, кудзэ Удмурт Элькунысь Йӧскалык библиотека Удмурт Элькунысь «Батьковщина» белорус лулчеберетъя огазеяськонэн ӵош дасязы. Ужрад Н. А. Некрасов нимо шор муниципал библиотекаын (Вадима Сивкова ур., 158) ортчоз.

Янка Купала (Иван Луцевич, 1882–1942) – кылбурчи, драматург, публицист, берыктӥсь. «Курган», «Зимой», «Никому», «Оплата любовью» поэмаослэн, «Наследство», «Безымянное», «Песня строительству», «От сердца» кылбур бичетъёслэн, «Паулинка», «Тутэйшыя», «Разоренное гнездо», «Могила льва» пьесаослэн авторзы.

 

Ужрадын ужалоз «Певец Белоруссии» адӟытон. Нырысетӥ «"Сын родимой земли": жизнь и художественный мир поэта» нимо люкетаз ­ луозы справочной, энциклопедической, литературоведческой но периодической изданиос ӟуч, белорус но мукет кылъёсын (соос пушкын 1962 арын «Молот» журналын потэм удмурт кылын «Янка Купала – белорус калыклэн поэтэз» статья), кытчы пыро Янка Купалалэн творчествоез сярысь очеркъёс но со сярысь биографической материалъёс. Тужгес тунсыко «Янка Купала» (1986) нимо энциклопеди справочник, кудӥз Минскын белорус кылын потӥз. Кыкетӥ люкет – «"Сквозь горе правды ясный свет": творческое наследие Янки Купалы» – тодматоз тодматоз ӟуч, белорус но англи кылын ужъёсыныз. Тужгес дуно возьматон арбериос пӧлысь – со Янка Купалалэн 200-лэсь но тросгес кылъёсын потэм «А кто там идёт?» кылбурез, ӟуч-англи кылбур бичетэз.

 

Литература ӝытын «Батьковщина» Белорус лулчеберетъя огазеяськонын ужасьёс Янка Купалалэсь «Курган» поэмаысьтыз люкетъёссэ лыдӟозы, «Гусляр» рок-опералэн видеозаписьысьтыз люкетъёс возьматэмын луозы.

 

Ужрадэ шаерысьтымы Лулчеберетъя, печатья но ивортодэтъя, Тодосъя но дышетонъя, Йӧскалык политикая министерствоосысь ӧнерчиос, Ижевскысь техникая кун университетысь дышетӥсьёс, элькунысь лулчеберетъя йӧскалык огазеяськонъёслэн ёзчиоссы, газетъёсысь но журналъёсысь ужасьёс пыриськозы.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru