Версия для слабовидящих

Геноцид улэ сюрем адямиосты тодэ ваён нуналлы сӥзем книга адӟытон

Геноцид улэ сюрем адямиосты тодэ ваён нуналлы сӥзем книга адӟытон

23-тӥ оштолэзе 16.00 часын Н. А. Некрасов нимо шор муниципал библиотекаын (Вадима Сивкова ур., 158) «Черные страницы истории армянского народа: памяти жертв геноцида» нимо книга адӟытонэз усьтон ортчоз, кудзэ Удмурт Элькунысь Йӧскалык библиотека Удмурт Элькунысь «Урарту» армян мерлыко огазеяськонэн ӵош дасязы.

Армян калыклэн 1895–1920-тӥ аръёсы адӟонэз ­– Осман империысь армян калыкез быдтон – XX дауре адямилык понна тужгес но кышкытэз луэ. Соку одӥг миллион но ӝыныысен кык миллионозь адями бырыны шедиз. «Геноцид» нимкыл, кудӥз возьматэ самой кышкыт калыккуспо йыружез, быдэс дуннеысь юридик практикае пыртэмын вал нырысь ик армян но еврей (Холокост) калыкъёслэн секыт адӟонэнызы йырин.

 

Адӟытонлэн нырысетӥ люкетаз –«Геноцид в истории гуманитарных катастроф» – возьматэмын энциклопеди изданиос, книгаос, статьяос, правоя пӧртэм изданиос (соос пушкын кунгож кылъёсын но), кудъёсаз геноцид адямилы пумит тужгес но бадӟым йыруж шуыса эскериське. Кыкетӥ люкет – «Армянская трагедия 1895–1920-х годов» – тодматэ книгаосын но тодослыко журналъёсысь печатлосъёсын, кудъёсаз Осман империын XIX даурлэн пумаз но XX даурлэн кутсконаз секыт ужпумлэн кылдэмез сярысь вераське. Куинетӥез люкет – «Это не должно повториться: тема геноцида армян в художественной литературе» – огазея армян, росси но еврей гожъяськисьёслэсь но кылбурчиослэсь чеберлыко произведениоссэс, кудъёсаз армян калыклэн секыт адӟонэз возьматӥське.

 

Ужрадэ Удмурт Элькунысь лулчеберетъя, печатья но ивортодэтъя министерствоысь ужасьёс, Удмурт кун университетысь дышетӥсьёс, Калыкъёслэн эшъяськон юртысьтыз ужасьёс, журналистъёс пыриськозы.

 

Возьмаськомы вань мылкыд карисьёсты.

 

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru