Версия для слабовидящих

Лыдӟиськон кунокуа оштолэзе

Лыдӟиськон кунокуа оштолэзе

29-тӥ оштолэзе 18.00 часын Удмурт Элькунысь Йӧскалык библиотекалэн Лыдӟиськон кунокуааз Андрей Гоголевлэн «Ленин. Самолет. Девушка» (Сарапул, 2013) книгаезлэн презентациез ортчоз. Ужрад Йӧскалык библиотекалэн искусствоя ёзэтаз (Камский институт гуманитарных и инженерных технологий; В. Сивкова ур, 12 а, 224 бӧл.) луоз.

Андрей Гоголев – пинал гожъяськись, М. Горький нимо литература институтын дышетскись, «Италмас» журналын ужась. Солэн ужъёсыз «Луч», «Инвожо», «Италмас» журналъёсын печатласькизы.

 

2009 арын Можгалан, кытын Андрейлэн пичи дырыз ортчиз, нырысьсэ соин дасям «Брезентовая цапля» литература лыдӟонъёс радъяськизы, кудаз карысь егит кылбурчиос пыриськизы. Берло аръёсы «Брезентовая цаплялэн» географиез паськытаз – малпан Ижкарын, Сарапулын, Петербургын, Москваын улӥсь егитъёсты бордаз кыскиз. Кылем арын гудырикошконэ «Брезентовая цапля» проект улсын ужрад Удмурт Элькунысь Йӧскалык библиотекалэн кунокуааз ортчиз.

 

29-тӥ оштолэзе презентациын Андрей Гоголевлэн «Ленин. Самолет. Девушка» нимо нырысетӥ книгаеныз тодматскон ортчоз. Ужрадэ лыктэмъёс авторен быдэстэм романысь люкетъёсты кылзозы, гожъяськись вералоз, кызьы книгаез лэсьтӥськиз (тодматскыны луэ «Проза.ру» литература порталын). Книга сярысь ас малпанъёссэс вералозы изданиез поттыны юрттӥсьёс (соос пушкын – гожъяськись, «Русская легенда» фондлэн кылдытӥсез Лев Роднов). Вань мылкыд карисьёс вераськонэ пыриськыны яке асьсэлэсь малпанъёссэс гожтыса кельтыны быгатозы.

 

Удмурт Элькунысь Йӧскалык библиотекалэн Лыдӟон центраз ужасьёс Андрей Гоголевлэн публикациосыныз адӟытон дасязы.

 

Вань лыктэмъёс Андрей Гоголевлэсь «Ленин. Самолет. Девушка» книгаезлэсь PDF-версизэ бушен басьтыны быгатозы.

 

Возьмаськомы ваньзэсты, кинъёсты туала егит гожъяськисьёслэн ужъёссы тунсыкъяськыто.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru