Версия для слабовидящих

Калыкъёслэн эшъяськонзы – литератураослэн эшъяськонзы

Калыкъёслэн эшъяськонзы – литератураослэн эшъяськонзы

21-тӥ толшоре 15.00 часын Йӧскалык но шаертодон литературая но библиография центрын (Удмуртской урам, 264-тӥ юрт) «Калыкъёслэн эшъяськонзы – литератураослэн эшъяськонзы» адӟытон ортчоз, кудӥныз Йӧскалык библиотека Росси Федерациын Литература арлы сӥзем ужрадъёсын сузьетсэ усьтоз.

Адӟытон куинь люкетъёслэсь луоз. «Ӟуч литература – калыклэн лулчеберетэзлэн ошмессинэз» люкетэ ӟуч калыклэн лулчеберетэз но сям-йылолъёсыз сярысь, ӟуч лулчеберетлэн православиен кусыпъёсыз сярысь книгаос пырозы, со сяна шаерысьтымы вашкала дырысен туннэ нуналозь тужгес умой чеберлыко ужъёс, кудъёсыз калыклэсь валтӥсь сямъёссэ возьмато – ӟечлыко но лулпушлыко луэмзэ.

 

Кыкетӥ люкет – «Удмурт литература – калыклэсь аспӧртэмлыксэ возьматон» –удмурт гожъяськисьёлэсь ужъёссэс огазея, кудъёсыз, ӟуч, совето но дунневыл литературалэсь адӟем карыса, асьсэлэсь чеберлыко сӧзнэтсэс кылдытӥзы. Та чеберлыко ужъёс быдэс дуннелы удмурт калыклэсь менталитетсэ, солэсь йылолъёссэ, улон-вылон сямъёссэ, лулпушсэ возьматыны юрттӥзы.

 

«Трос лулчеберето Россия: пӧртэм литература» – озьы нимамын адӟытонлэн куинетӥ асьме кунын улӥсь мукет калыкъёслэн литературазылы сӥзем люкетэз. Татын Росси Федерациын улӥсь калыкъёслэн кылыныз произведениос но соослэн ӟуч кылэ берыктэмъёссы. возьматэмын луозы.

 

Адӟытонлэн усьтоназ Удмурт Элькунысь йӧскалык библиотекалэн директорез Галина Гавриловна Калинина Литература арлы луыса библиотека азьын сылӥсь планъёс, цельёс но задачаос сярысь вераськоз.

 

Туала литература процессэн, кытын одӥг кадь удмурт но ӟуч кылын литература азьланьтӥське, тодматоз Удмурт Элькунысь гожъяськисьёслэн ёзэтэнызы кивалтӥсь Петр Михайлович Захаров. Кылосбур тодосъя докторлэн Анна Сергеевна Зуевалэн вераськемез сӥземын луоз литературалэн калык кусыпъёсты герӟаны юрттэмез. Ӟуч но удмурт кылын шараялоз умой гожъяськонлэсь ватосъёссэ Удмуртиысь калык гожъяськись Вячеслав Ар-Серги. Йӧскалык библиотекаын ужасьёс но адӟытонэз учкисьёс пӧртэм кылъёсын кылбуръёс лыдӟозы.

 

Ужрад улсын Удмуртиысь гожъяськисьёслэсь книгаоссэс вузан радъяськоз, автограф-сессия луоз.

 

Ужрадлэн нуисез – «Центр чтения» секторлэн кивалтӥсез Ирина Николаевна Курс.

 

Возьмаськомы вань мылкыд карисьёсты.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru