Версия для слабовидящих

Д. Копелевлэн «Кругосветные плавания: от Ренессанса до Просвещения» онлайн-лекциез

Д. Копелевлэн «Кругосветные плавания: от Ренессанса до Просвещения» онлайн-лекциез

5-тӥ толсуре 15.00 часын Удмурт Элькунысь Йӧскалык лыдӟиськоннилэн Интернетэн ужаны дышетонъя центраз (интыяськемын Удмурт Элькунысь сукыръёслы лыдӟиськонниын – Ломоносова урам, 9-тӥ юрт) Дмитрий Копелевлэн «Кругосветные плавания: от Ренессанса до Просвещения» онлайн-лекциезлэн трансляциез ортчоз, кудӥз Книга институтлэн юрттэмезъя «Династия» фондлэн проектэз улсын радъямын.

 

Дунне котыр уянъёслэн историзы – со зарезьёслэн эриксы понна нюръяськон, ческыт турынъёс (пряность) сьӧры жалятэк уиськон, кышкасьтэм но сюлэмтэм, юн мылкужымо но ӝабырес луон. Путешествиослэн геройёссы – асьсэлэсь пыжзэс океантӥ кышкатэк нуись паймымон зарезьчиос: Фрэнсис Дрейк, Томас Кавендиш, Якоб Лемер, Уильям Дампир, Джеймс Кук, Луи Антуан де Бугенвиль, Алехандро Маласпина...

 

Быдэс дуннелэн историысьтыз вапумо учырысен, Фернан Магелланлэн дунне котыр уянысеныз кутскыса, Ӝытпал Европа дуннеен кивалтон понна нюръяськонын бадӟым вамыш лэсьтӥз. Кыӵе мугъёсыз ваньзэ куашкатӥсь капиталистической дуннесӧзнэтлэн юнмамезлэн, кыӵе факторъёс юрттӥзы европейской экспансилэн азинсконэзлы но кыӵе роль шудӥзы дунне котыр уянъёс мискинь пыдпалысь (перифериысь) дуннеысь кивалтэтлэн шорызлы пӧрмонын – аслаз лекцияз Дмитрий Копелев вералоз.

Дмитрий Николаевич Копелев – историк-медиевист, историяя тодосъёсъя кандидат, А. И. Герцен нимо РГПУ-лэн историяя кафедраысьтыз доцент, книгаослэн но статьяослэн авторзы, кудъёсыз сӥземын зарезьын таланъёслэн историезлы, географиын бадӟым усьтонъёслы но европейской флотлэн мерлыко историезлы. Д. Копелевлэн «Раздел океана в XVI–XVIII веках. Истоки и эволюция пиратства» книгаез «Просветитель» премилэн 2013 ар понна вакчи списоказ пыриз.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru