Версия для слабовидящих

Кылбурчиен но журналисткаен Ольга Денисоваен пумиськон

Кылбурчиен но журналисткаен Ольга Денисоваен пумиськон

Ольга Ивановна Денисова – 1989-тӥ арысен Росси Федерациысь журналистъёслэн огазеяськонзылэн ёзчиез, Удмуртиысь сӥё-дано журналист. УдГУ-лэсь биолого-химической факультетсэ но экологияя специальностья Ленинградысь технологической институтэз йылпумъяз. Дышетсконэныз ик журналистика удысын ужанэзлэн пуштросэз герӟаськемын – трос аръёс ӵоже «Удмуртская правда» газетын «Сохраним окружающий мир» экологияя бамез нуиз (2000-тӥ арысен «Литературная страница» полосалэн озьы ик обозревателез но нуисез). Солэн данъетъёсыз пӧлын – Сергей Залыгин нимо «За активную позицию в формировании экологического сознания россиян» конкурслэн дипломез, быдэс Россиын ортчись «Экология России» конкурслэн дипломъёсыз, нош озьы ик «За лучшую серию публикаций в региональной прессе» диплом.

 Нырысетӥ кылбурето произведениоссэ Ольга Денисова студент аръёсаз гожтӥз вал но «Комсомолец Удмуртии» газетын печатласькизы. 1981–1984-тӥ аръёсы со Удмуртиысь гожъяськисьёслэн огазеяськонзылэн «Радуга» литератураяя студиязы ветлӥз, кудӥныз кивалтӥзы В. Емельянов но Г. Иванцов. Бератаз пӧртэм шоркар изданиосын печатласькиз: «Аврора», «Крестьянка», «Огонёк» журналъёсын, Москваын но элькунын потэм кылбурето альманахъёсын. Солэн кылбуръёсыз кык томъем «Антология народов России» книгае пыртэмын, кудӥз 2004-тӥ арын Москваысь «Пик» издательствоын потӥз.

 

Ольга Денисовалэн нырысетӥ бичетэз – «Дом на земле» – «Удмуртия» издательствоын 1987-тӥ арын потӥз. Бӧрысез кылбур книгаез, кудӥз озьы ик нимаське – «Стихотворения» – кемалась ик ӧвӧл потэмын, 2013-тӥ арын, со издательствоын ик. Авторлэн со трос аръёс ӵоже ужамезлэн йылпумъянъёсыз, кытын лирической героиня яркыт но паськыт усьтӥське. Бичетлэн азькылэз, кудзэ кылбурчи но журналист Герасим Иванцов гожтӥз, тазьы йылпумъяське: «Ольга Денисовалэсь кылбуръёссэ цитировать карыны, солэн арбериосты, будосъёсты, животнойёсты, улонысь котькуд учырез но котькуд луэтэз (явлениез) дырлэн кылбурето суредэзлы пӧрмытыны быгатонлыкезлы пумтэм-йылтэм паймыны луэ. Туж оскем потэ, Удмуртиысь ӟуч кылбуретлэн литературая улоназ но авторлэн улон сюресаз книга яркыт пытьы кельтоз.
Лыдӟиськон кунокуаын ортчись пумиськонэ пыриськисьёс кылбурчилэн улонэз но удысбурез сярысь тодыны быгатозы, солэсь кылбуръёссэ кылзыны, озьы ик ачиз авторен лыдӟемъёссэ но.

 

Ужъюлтошъёсыз – литераторъёс – но лыдӟисьёс – Ольга Денисовалэн удысбуреныз тунсыкъяськисьёс – кылбуръёс сярысь асьсэлэсь малпанъёссэс вералозы.


«Стихотворения» бичетэн тунсыкъяськем муртъёс книгаез ужрадлэн пумаз басьтыны быгатозы.
Возьмаськомы вань мылкыд карисьёсты.


Пыронэз дунтэк.

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru