Версия для слабовидящих

«Золотое сечение: взгляд на природу гармонии» адӟытонэз усьтон

«Золотое сечение: взгляд на природу гармонии» адӟытонэз усьтон

13-тӥ шуркынмонэ 16.00 часын Йӧскалык лыдӟиськонниысь искусcтво литературая ёзэтын (Инженерной но гуманитарной технологиосъя Кам институт: В. Сивкова ур., 12а, 224 бӧл.) «Золотое сечение: взгляд на природу гармонии» адӟытонэз усьтон ортчоз.

«Зарни сечение», яке «инмарлэн пропорциез» - быдэслэн но солэн люкетъёсызлэн структурной но функциональной тырбыдэслыксылэн (совершенствозылэн) инкуазьын, тодосын но искусствоын одӥгез тужгес яркыт адӟиськемез. «Зарни сечение» феномен математикъёсты но философъёсты (Пифагор, Платон, Евклид) античной вакытысен шугъяськытӥз. Ӵукдаур (Возрождение) вапуме «зарни сеченилэн» пропорциосыз эстетикая валтӥсь возетэ пуктэмын вал (Леонардо да Винчи). XIX даурын немец тодосчи А. Цейзинг но солэн бӧрсьычиосыз (последовательёсыз) возьматӥзы, «зарни сеченилэн» пропорциосыз адями мугорын, будосъёслэн но минералъёслэн конфигурациосазы, крезьгур эзьын (гармониын) пумиськыло шуыса. ХХ даурын «зарни сеченилэн» теориеныз тунсыкъяськон выль кужымен улӟиз – сое кутыны кутскизы астрофизикаын, биологиын, психологиын, вычислительной техникаын но мк.

 

Адӟытонлэсь нырысетӥ люкетсэ – «Золотое сечение: поиск абсолютной гармонии» – кылдытӥзы азьло но туала тодмо суредасьёслэн, мыслительёслэн, тодосчиослэн тодосэз искусствоын возьматон сярысь– кылсярысь, архитектураысь, живописьысь но мк. произведениосын математикаен герӟаськем «зарни сеченилэн» шӧдӥськемез сярысь книгаоссы (Леонардо да Винчи «Избранные произведения», А. Дюрер «Трактаты»; А. В. Волошинов «Математика и искусство», И. Ш. Шевелев «Золотое сечение», В. Л. Глазычев «Гемма Коперника (мир науки в изобразительном искусстве)» но мк.

 

Кыкетӥ люкетысь изданиос – «Идеальные пропорции в природе» – сӥземын архитектураын тырбыдэслыклэн но самоорганизацилэн инъетэз чотын инкуазь кабъёсты (будосъёслэн но животнойёслэн дуннеысьтызы конструкциосты) кутонлы (Н. А. Васютинский «Золотая пропорция»; В. Е.Михайленко, А. В. Кащенко «Природа – геометрия – архитектура»; Ю. Лебедев «Гармония форм в живой природе и архитектуре», «Архитектура и бионика»).

 

Адӟытонлэн куинетӥ люкетаз – «Эстетика пропорций в искусстве» – возьматэмын искусствоысь пӧртэм видъёсын «зарни сечение» возетэз кутонын эскеронъёс: живописьысь, крезьгурысь, литератураысь композициосысь пыртэмын тужгес но яркыт примеръёс, кудаз вань «зарни сеченилы» матын луись пропорциос (Ф. В. Ковалев «Золотое сечение в живописи», М. А. Марутаев «Гармония мироздания» но мк.).

 

Ужрадэ пыриськоз физика но математика тодосъёсъя кандидат Сергей Пахомов – солэн выступлениез инкуазьын кабкылдон возетъёслы но искусствоын пропорциослэн эстетиказылы сӥземын луоз. Крезьгурын «инмарлэн пропорциез» сярысь тодмо скрипачка Ксения Благович оскымон вералоз, кылбуретын «зарни сечение» сярысь – Удмурт Элькунысь Йӧскалык библиотекалэн Лыдӟиськонъя центрезлэн главной библиотекарез Марина Рябушенко.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru