Версия для слабовидящих

Кылосбур тодосъя докторен А. С. Зуева-Измайловаен пумиськон

Кылосбур тодосъя докторен А. С. Зуева-Измайловаен пумиськон

18-тӥ шуркынмонэ 17.00 часын Йӧскалык но шаертодон литературая но библиографияя центрын (Удмуртской урам, 264-тӥ юрт) «Удмурт шаер» клублэн заседанияз литературатодосчиен, кылосбур тодосъя докторен А. С. Зуева-Измайловаен пумиськон ортчоз, кудӥз тодосчилэн 65-арес тырмонэзлы сӥземын.

 

Анна Сергеевна Зуева-Измайлова – Удмурт Элькунысь лулчеберет удысысь сӥё-дано ужась, Росси Федерациысь вылӥ удысужлыко дышетон удысысь дано ужась, Удмурт Элькунысь Кун премилэн лауреатэз, И. Яковлев нимо Огъя чуваш премилэн лауреатэз, Россиысь гожъясьёслэн огазеяськонзылэн ёзчиез. УАССР-ысь Сьӧлта ёросысь Иткулат гуртын вордӥськиз, йылпумъяз Можга педучилищеез, Удмурт кун университетысь кылосбур факультетэз, СССР-ысь наукаосъя академилэн А. М. Горький нимо дунневыл литературая институтысьтыз аспирантураез но докторантураез. Ассистентысен профессор дорозь сюресэз ортчиз, ӟуч кылосбуръя кафедралэн кивалтӥсез (удмурт кылосбуръя факультет, 1998-2003), СМИ-ослэн кылзыя но литературно-художественной критикая кафедраен кивалтӥсь (журналистика факультет, 2003-2010), Удмурт кун университетысь журналистика фаультетлэн деканэз (2003-2007). Али дыре – Удмурт кун университетысь гуманитарной технологиосъя финн-угор тодослыко-дышетон центрлэн ужасез, кык доктор луон диссертация утёнъя кенешъёслэн ёзчизы – Удмурт кун университетлэн но Н. П. Огарев нимо Мордва кун университетлэн. Солэн тодослыко тунсыкъяськонъёсыз – финн-угор литератураослэн теоризы но поэтиказы, текстэз пӧртэм дисциплинас пыр эскерон амал – филосософия, этнология, психология пыр.

 

Пумиськонэ Лулчеберетъя, печатья но ивортодэтъя министерствоысь, Йӧскалык политикая министерствоысь, Дышетонъя но тодосъя министерствоысь ужасьёс, тодосчиос-кылосбурчиос, Удмурт Элькунысь гожъяськисьёслэн огазеяськонзылэн ёзчиосыз пыриськозы, Вань удмуртъёслэн «Удмурт кенеш» огазеяськонзылэн ёзчиосыз. Клублэсь заседанизэ нуисез – удмурт литературая но Россиысь калыкъёслэн литературазыя кафедралэн кивалтӥсез В. Л. Шибанов.

 

Ужрадын «В диалоге со временем» книга адӟытон ужалоз, кудаз А. С. Зуева-Измайловалэн улонэз, тодос, дышетон но мер удысын ужамез сярысь изданиос, тодослыко ужъёсыз возьматэмын луозы.

 

Возьмаськомы вань мылкыд карисьёсты.

 

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru