Версия для слабовидящих

Лыдӟиськон кунокуа коньывуонэ

Лыдӟиськон кунокуа коньывуонэ

29-тӥ коньывуонэ 15.00 часын Йӧскалык библиотекалэн Лыдӟиськон кунокуааз фэнтэзи жанрын классика луэм К.-С. Льюислэсь «Нарнилэн хроникаосыз» сузьетысь книгаоссэ но У. Ле Гуинлэсь Земноморье сярысь повестьёссэ ӟуч кылэ берыктӥсен Людмила Ляховаен пумиськон ортчоз.

 

Людмила Николаевна Ляхова – Удмурт кун университетысь социологияя но философияя факультетысь философияя кафедралэн профессорез. Таяз арын со аслэсьтыз 75 аресъем юбилейзэ пусйиз, озьы ик тодос удысын 50 ар ужамзэ. Фэнтэзи жанрез ӟуч кылэ берыктон – Людмила Николаевналэн хоббиез, кудӥзлы трос дыр но кужым сётэмын. «Книга ӧвӧлтэм» вакытэ (кылем даурлэн пумаз) – куке шуг вал шедьтыны дунлыко изданиосты – Л. Ляхова басьтылӥз М. И. Рудомино нимо кунгожсьӧр литературая быдэс Россиысь лыдӟиськонниысь (Москва) тодмо кунгожсьӧр авторъёслэсь книгаоссэс но берыктылӥз ӟуч кылэ. Нырысь ачиз понна гинэ, нош собере Л. Н. Ляховаен берыктэм Клайв С. Льюислэн «Хроники Нарнии» сузьетысь книгаосыз но Урсула ле Гуинлэн Земноморье сярысь повестьёсыз потӥзы Ижевскын «Квест» издательствоын (1991–1993 аръёсы). Та изданиосыз суредасьёс пӧлысь одӥгез Россиысь суредасьёслэн Огазеяськонзылэн ёзчиез луэ, Удмурт Элькунысь искусство удысысь сӥё-дано ужась, профессор Валерий Петрович Любарец.

 

Людмила Ляховалэн кылысь кылэ берыктон быгатонлыкез Удмуртиысь но Ижевскысь лыдӟисьёсын дунъямын, озьы ик Интернетэн ужасьёсын – фэнтези жанрлы сӥзем ресуръёсы пырасьёсын. Лыдӟиськон кунокуаын кылысь кылэ берыктӥсь вералоз ас ужезлэсь валтӥсь возетъёссэ. Усточилэсь малпанъёссэ тунсыко луоз тодыны вань куноослы, кылсярысь, «Перевод в поле многоязычия» нимо кылысь кылэ берыктӥсьёслэн элькун вожвылъяськоназы пыриськемъёслы (2013–2014), кудзэ ортчытыны Йӧскалык лыдӟиськонни но юрттэ. Ужрадэ люкаськемъёс шер пумиськылӥсь книгаосын тодматскыны, Л. Н. Ляховалы юанъёс сётыны быгатозы.

 

Пумиськон ортчоз Нылпиослы но егитъёслы элькун лыдӟиськонниын (Пушкинской урам, 200).

 

Пыронэз дунтэк.

 

Возьмаськомы вань мылкыд карисьёсты.

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru