Версия для слабовидящих

«Удмурт шаер» клублэн заседанияз Удмурт Элькунысь Йӧскалык театрысь егит актёръёсын пумиськон

«Удмурт шаер» клублэн заседанияз Удмурт Элькунысь Йӧскалык театрысь егит актёръёсын пумиськон

29-тӥ куарусёнэ 17.00 часын Йӧскалык но шаертодон литературая но библиографияя центрын (Удмурт урам, 264-тӥ юрт) «Удмурт шаер» клублэн заседанияз «Пьесаысен спектаклёзь: Удмурт Элькунысь Йӧскалык театрысь актёръёсын пумиськон» ортчоз.

Егит удмурт актеръёс – Щепкин нимо вылӥ театральной училищеез 2013-тӥ арын йылпумъямъёс – шаерысьтымы тужгес «мӧйы» театрлэн соосты пумитамез, сцена вылаз нырысьсэ быгатэмзэс возьматэмзы – А. Григорьевлэн «Эмезь кисьмаку» пьесаезъя спектакльын шудэмзы – сярысь вералозы.

 

Тодмо удмурт драматурглэн туэ 84-тӥ сезонэз усьтӥсь комедиез Йӧскалык театрлэн репертуараз кемалась ӧз пуктылӥськы ни вал (Ельцин кивалтон вакытысь улонэз возьматӥсь пьеса-фарслэн премьераез 1994-тӥ арын ортчиз). Малы тунсыко луэ выльдӥськон бере потэм пьеса но солэн туала сцена вылэ берыктӥськемезлэн мугез сярысь – ужрадэ пыриськисьёс тодыны быгатозы Анатолий Леонтьевич Григорьевлы юан сётыса.

 

«Гурт улонэз быгатыса возьматӥсь драматурглэн» (кызьы А. Григорьев сярысь театральной критикъёс шуо) пьесаез но солэн драматургиез сярысь малпанъёссэ вералоз филологи наукаосъя доктор, профессор Татьяна Ивановна Зайцева.


Удмурт Элькунысь Йӧскалык театрысь литературая ёзэтэн кивалтӥсез Наталья Ивановна Панфилова театрлэн выль сезонэз, азьпаллы чаклам ужъёсыз  сярысь мадёз.

 

Ужрадын Йӧскалык но шаертодон литературая но библиографияя центрын ужасьёсын дасям «Удмуртская пьеса на сцене театра» книга адӟытон ужалоз. Возьматэмын луозы удмурт литератураысь классикъёслэн произведениоссы (И. Гаврилов «Кезьыт ошмес», В. Садовников «Тыло вӧсь», Н. Самсонов «Вунэтэм шундыберган» но мк.), кудъёсыз пыремын йӧскалык драматургилэн «зарни фондаз», озьы ик Удмуртиысь драматургъёслэн шоръёзо но покчи лыдӟисьёслы публикациоссы, справочной но энциклопедической изданиос.

 

Ужрад удмурт но ӟуч кылъёсын ортчоз. 

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru