Версия для слабовидящих

«Выдающийся ученый-педагог: к юбилею Г. Н. Никольской» адӟытон

«Выдающийся ученый-педагог: к юбилею Г. Н. Никольской» адӟытон

9-тӥ куарусёнэ Удмурт Элькунысь йӧскалык библиотека «Выдающийся ученый-педагог: к юбилею Г. Н. Никольской» адӟытон радъя, кудӥз педагогика тодосъя докторлы, Удмурт Элькунысь но Росси Федерациысь тодос удысысь сиё-дано ужасьлы Глафира Николаевна Никольскаялэн 85 арес тырмонэзлы сӥзем «Ученый, педагог, гуманист»  калыккуспо научно-практической конференцилэн ужамез улсын ортче

Конференцилэн радъясьёсыз – Удмурт Элькунысь дышетонъя но тодосъя министерство, Дышетон удысысь йӧскалык ужпумъёсты тодон-экеронъя институт, Удмурт кун университетысь удмурт кылосбуръя факультет, «Дэмен» огазеяськон.

 

Г. Н. Никольская – кунысьтымы тодмо кылчи, Педагогика но социальной тодосъёсъя акдемилэн действительной членэз – Шаркан ёросысь Шляпино гуртын вордӥськиз. Удмурт пединститутысь кылосбур факультетэз, Педагогика тодосъёсъя акдеми бордысь аспирантураез  йылпумъямез бере 1958 арын кандидатской диссертацизэ утӥз, нош  1960 арын Йӧскалык школаосъя тодон-эскеронъя институтын ужаны кутскиз, кытысен ик со тодосчи кадь тодмо луиз.

 

Ӝыны даурлэсь тросгес тодос удысын вырыкуз 170-лэсь уно тодос ужъёсыз потӥзы, финн-угор школаосын дышетскисьёслы ӟуч кылэз дышетон методикаез дасяз, программаосты но дышетскон книгаосты дасяз, кудъёсызъя туннэ нуналозь Россиысь йӧскалык школаосын дышетско. Мерттантэм Николькая профессорлэн удмурт кылэз дышетолы сётэм кужымез: со «Удмурт кыл» книга сӧзнэтэз дасяз, нырысьсэ школаысь удмурт кыл курсэ текстэз но вераськонлэсь функционально-смысловой типъёссэ дышетонэз пыртӥз. Тодосъя кивалтӥсь луыса трос гинэ тодосчиослы сюрес усьтӥз: Г. А. Ушаковлы, В. М. Ившиналы, А. М. Комаровалы, Г. А. Туровалы, Л. П. Федоровалы но мукетъёсызлы.

 

Адӟытонлэн нырысетӥ люкетэз – «Служение науке и образованию Удмуртии» – юбилярлэн тодос но дышетон ужезлы сӥземын. Татын Г. Н. Никольскаялэн пӧртэм аръёсы ӟуч но удмурт кылъёсъя дасям методической но дышетон книгаосыз пыремын («Русский язык в удмуртской школе», 1973; «Основы обучения русской орфографии в удмуртской школе», 1981; «Удмурт кыл», 1990, 1992, 2004, 2005; «Уроки удмуртского языка в 6 классе», 2008 но мк.), авторлэн пӧртэм тодослыко бичетъёсысь ужъёсыз, со сяна Г. Н. Никольскаялэн тодос кивалтэмез улсын дасям диссертациослэн авторефератъёссы.

 

Адӟытонлэн кыкетӥ люкетаз – «Штрихи к жизни и творчеству» – Г. Н. Никольскаялэн дышетон но мерлык ужъёсыз сярысь изданиос, улон-вылонэз сярысь материалъёс (Л. С. Христолюбова «Ученые-удмурты», 1997, «Удмуртские женщины. XX век», 2002; «Ашальчи», «Кенеш», «Вестник» но мк. элькун но ёрос газет-журналъёсын печатламъёс) пыремын. Г. Н. Никольскаялэн «Призвание» (2006) книгаяз солэн тодэваёнъёсыз, со сярысь ужан эшъёсызлэн, дышетскисьёсызлэн статьяоссы, авторлэн архивысьтыз туспуктэмъёс люкамын. Тодмо кылчилэн удмуртъёслэн «Герд» мер огазеяськонын ужамез (1991–2004)сярысь статьяос потэмын «Земляки» (2008), «"Удмурт кенеш" – 20» (2011), «Диаспоры Урало-Поволжья» (2005) бичетъёсын.

 

9-тӥ куарусёнэ адӟытон Удмурт Элькунысь йӧскалык театрын (Горького ур., 73) возьматэмын луоз, 10–25 куарусёнэ – Удмурт Элькунысь йӧскалык библиотекалэн Йӧскалык но шаертодонъя литература но библиография ёзэтаз (Удмуртская ур., 264).

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru