Версия для слабовидящих

Удмурт Элькунысь лулчеберетъя, печатья но ивортодэтъя министерствоын Удмурт йӧскалык электрон библиотекалэсь концепцизэ учкон

Удмурт Элькунысь лулчеберетъя, печатья но ивортодэтъя министерствоын Удмурт йӧскалык электрон библиотекалэсь концепцизэ учкон

28-тӥ гудырикошконэ Удмурт Элькунысь лулчеберетъя, печатья но ивортодэтъя министерстволэн паськытатэм коллегиез ортчоз, кытын Удмурт йӧскалык электрон библиотекалэсь концепцизэ учкозы но сое улонэ пыӵатонэз эскерозы.

Тодослыклы, дышетонлы но лулчеберетлы кулэлыксэ валаса Росииысь библиотекаос цифровой технологиос бордын, электрон коллекциос кылдытон бордын ужаны кутскизы.

 

Удмурт Элькунысь йӧскалык электрон библиотека – со Удмурт Элькунысь библиотекаослэн но мукет фондъёсты возисьёслэн электрон ресурсъёсын репозитарийзы, огъя интыысен пырыны луонлыкен (Удмурт Элькунысь йӧскалык электрон библиотекалэн сайтэз).

 

Удмурт электрон библиотекалэсь концепцизэ дасясь, сое малпась но киватӥсь – Удмурт Элькунысь йӧскалык библиотека проект бордын ужанзэ мытӥз 2006 арын. Электрон библиотекаез кылдытонлэн целез – тросгес калыкез элькунысьтымы общественно-политической, тодос, лулчеберет, дышетон улонэн тодматон; удмурт книгаез но удмурт кылэз Интернетэ вӧлмытон.

 

Коньдон ласянь проект «По реализации Закона УР "О государственных языках УР и иных языках народов УР"», «Развитие информационного общества в УР», «Культура Удмуртии» элькун целевой программаосъя юрттэт басьтӥз. Нимысьтыз коллекциос кылдытон понна 2011–2014 аръёсы Ӵыжы-выжы калыкъёсъя программалэсь грантсэ, Коне фондлэн Кылъя программаезлэсь (Финляндия) грантсэ утӥз.

Туннэ нуналлы, Йӧскалык библиотека сяна, Удмурт Элькунысь йӧскалык электрон библиотекалэн ёзчиосыз луо История, кылъя но литературая удмурт институт, Ижкарысь Н. А. Некрасов нимо шор муниципал библиотека. Котькуд библиотекалэн вань аслаз ёзэтэз. Тужгес бадӟымез ­– Удмурт Элькунысь йӧскалык библиотекалэн – вить люкетлэсь луэ: «Удмуртилэн историез», «Удмуртилэн книга синпелетъёсыз», «Удмуртиысь периодика: улосвыл печать», «Удмуртиысь периодика: элькун периодика», «Удмурт книга», кудъёсаз туннэ нуналлы 15000 ужъёс поттэмын.

 

Йӧскалык электрон библиотека калык пӧлын тодмогес но тодмогес луэ. 2014 арын куать толэзь куспын электрон дкументъёслы 280 сюрслэсь трос адями вазиськиз. Статистикаез учкыса вераны луоно, Йӧскалык электрон библиотека Удмуртиысь но Россилэн пӧртэм улосвылъёсаз гинэ тодмо ӧвӧл, озьы ик кунгож сьӧрын но (Финляндиын, Венгриын, Германиын, Франциын, США-ын).

 

Удмурт ӥӧскалык электрон библиотека пӧртэм ӧръёсъя азьланьтӥськоз: пыриськисьёслэн лыдзы паськытатон (музейёсты, архивъёсты но мукет лулчеберет институтъёсты кыскон); тематикая, хронология, видъя но география пуштроссэ бадӟыматон, ресурслэсь бамзэ умойгес карон. Туж кулэ луэ Удмурт йӧскалык электрон библиотекаез мукет электрон лыдӟиськонниосын огазе карон: ЕГС НЭБ, The European Library, Uralica.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru