Версия для слабовидящих

Лыдӟон кунокуа южтолэзе

Лыдӟон кунокуа южтолэзе

30-тӥ инвожое 17.00 часын Йӧскалык библиотекалэн литературая но искусствоя ёзэтаз (Камский институт гуманитарных и инженерных технологий; В. Сивкова ур, 12 а, 224 бӧл.) Лыдӟиськон кунокуаын Удмуртиысь калык гожъяськисен Ар-Сергиен пумиськон ортчоз.

 

В. Ар-Серги (зэмос нимыз – Вячеслав Витальевич Сергеев) – удмурт гожъяськись но драматург, Удмурт Элькунысь лулчеберет удысысь сиё-дано ужась, элькун но росси литературной ӵошатсконъёслэн но премиослэн лауреатсы. Завьял ёросысь Выль Казмаска гуртын 1962 арын вордӥськиз. Удмурт кун университетэз йылпумъяз, М. Горький нимо литинститутысь Вылӥ литературной курсъёсын дышетскиз. 1990 аръёслэн шоръёсысеныз профессионально литература ужен выре. Солэн 40 трос поэзиен но прозаен книгаосыз потӥзы, соос пушкын пиналъёслы но. Соос кунгож сьӧрысь трос кылъёсы берыктэмын, кӧня ке драматической ужъёссэ Удмурт йӧскалык театрлэн сцена вылаз шудӥзы, удмурт кылын нырысетӥ«Алангасарлэн вужерез» (1994) художественной кинолэн сценариезлэн авторез луиз.

 

2014 арлэн кутсконаз В. Ар-Серги Антон Дельвиглэсь нимзэ нуллӥсь быдэс Россиысь «Золотой Дельвиг» премилэн лауреатэз луиз. Жюрилэн йылпумъямезъя азвесь медаль кузьмамын вал таӵе кылъёсын: поэзиын но прозаын чеберлыко утчанъёс понна, удмурт кырӟан фольклор вылэ пыкъяськыса кылбурлэн аспӧртэмлыко ритмико-музыкальной фактураез понна но гожъяськисьлэн удмурт но ӟуч кылъёсты азинтонэ пыриськемез понна».

 

«Вслушаться в себя...» бичет авторлэсь поэтической но прозаической произведениоссэ огазея. Проза удысысь творчествоез возьматэмын В. Ар-Сергилэн веросъёсыныз «Госпожа Марфутка» киноповестеныз но эссеосыныз. Книгае пӧртэм туспуктэмъёсыз пыризы.

 

Лыдӟиськон кунокуалэн пумиськон ӝытаз валтӥсь инты лауреат книгаен тодматскон басьтоз. Тунсыкъяськем муртъёс книгаез ужрадлэн пумаз басьтыны быгатозы.

 

Возьмаськомы вань мылкыд карисьёсты.

 

Пырон дунтэк.

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru