Версия для слабовидящих

Удмурт Элькунысь Йӧскалык библиотекалэн кунокуаез шуркынмонэ

Удмурт Элькунысь Йӧскалык библиотекалэн кунокуаез шуркынмонэ

21-тӥ шуркынмонэ 17.00 часын Калыкъёслэн эшъяськон юртаз (Орджоникидзе, 33а) Удмурт Элькунысь Йӧскалык библиотекалэн кунокуаяз «Израильские художники в новых изданиях, полученных в дар Национальной библиотекой УР» нимо пумиськон ортчоз.

Жанрезъя но пуштросэзъя пӧртэм книгаосты авторзылэн но люкасьсылэн нимзы герӟа. Галина Геннадьевна Подольская – филологи тодосъя доктор, гожъяськись, искусствовед, солэн «Современное израильское изобразительное искусство с русскими корнями» бадӟым проектэз кылем арын Удмурт Элькунысь Йӧскалык библиотекалэн искусство удысысь литературая ёзэтаз презентовать каремын. Библиотекалы кузьмам выль изданиосын азьланьтэм тема, кудӥз тунсыкъяськытэ Г. Подольскаяез, – израиль суредасьёслэн творчествозы.

 

«Шагал и Израиль. Жизнь. Творчество. Наследие» (Г. Подолькаялэн редакциез улсын), кудӥз люкамын Марк Шагаллэн 125 аресэзлы луыса Израильын ортчем пӧртэм тодослыко но лулчеберет ужрадъёсъя, огазея Израильысь 70 суредасьёслэссь ужъёссылэсь репродукциоссэ.

 

Г. Подольскаялэн 2009 арын поттэм «Диптих судеб» романэз (Иерусалим ; М. : Э.РА ; Летний сад), выль изданиын потэмез бере аспӧртэмлыко триптих выллем луиз – куинетӥ люкетаз нырысьсэ печатласько Аарон Исаакович Априллен графика ужъёсыз.

 

Вань куинь книгаос Иерусалимысь «Скопус» книгапоттонииын поттэмын – дасясез З. Я. Палванова, ӟуч кылбурчи, Россиын но Израильын потэм даслэсь трос кылбур бичетъёслэн авторзы. (Зинаида Палванова асьме элькунамы улӥсьёслы Флор Васильевлэсь кылбуръёссэ берыкъясь шуыса тодмо.) Кык берпуметӥ изданилэн тупатъянэз, дизайнэз но версткаез бордын но нырысетӥ бичетлэн репродукциосын блокъёсыз бордын Удмурт Элькунысь Йӧскалык библиотекаысь ӧнерчи И. Г. Абугова ужаз.

 

Ужрадын книгаосын но суредъёсын «Ты краски дал, что стали мне судьбою...» адӟытон ужалоз, кудӥз куинь люкетлэсь : «Израиль – к 125-летию Марка Шагала», «Аарон Априль: царство цвета», «Аркадий Лившиц: длиннофокусная оптика живописи».

 

Адӟытонэ Удмурт Элькунысь Лулчеберетъя, печатья но ивортодэтъя, Йӧскалык политикая министерствоосысь ужасьёс, Еврей лулчеберетъя мерлыко огазеяськонлэн, Суредасьёслэн огазеяськонзылэн ёзчиосыз, Удмурт кун университетысь Искусствоя но дизайнъя факультетысь дышетӥсьёс, йӧскалык лулчеберетъя огазеяськонъёслэн кивалтӥсьёссы пыриськозы.

 

Возьмаськомы вань мылкыд карисьёсты.

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru