Версия для слабовидящих

Лыдӟиськон кунокуа коньывуонэ

Лыдӟиськон кунокуа коньывуонэ

28-тӥ коньывуонэ 18 часын Удмурт Элькунысь Йӧскалык библиотекалэн Лыдӟиськон кунокуаяз выль пумиськон ортчоз, кудӥз Удмуртилэн туала драматургиезлы сӥземын. Ужрад Йӧскалык библиотекалэн литературая но искусствоя ёзэтаз (Камский институт гуманитарных и инженерных технологий; В. Сивкова ур, 12 а, 224 бӧл.) луоз.

 Удмуртиын туала драматургилэн аслыз гинэ тупась ымнырыз. Лыдӟиськон кунокуае ӵем ветлӥсьёслы туж тодмо ини Андрей Гоголевлэн но Даниил Клеоповлэн нимъёссы, кудъёсыз пьеса жанр бордын но ужало. Драматургиен но мукет пӧртэм театральной проектъёсын тунсыкъяське озьы ик тодмо гожъяськись дуэт Глеб Павлоид (Инге но Павел Зоринъёс). Ар талэсь азьло Павел Зоринлэн мылкыдэзлы но кужымезлы луыса (со «Les partisans» егитъёслы театрлэн но Ижевск радиозаводлэн театр-студилэн режиссёрез) Ижевскын усьтӥськиз Туала драматургияя но режиссурая центр, кытын пьесаосты лыдӟо но соос сярысь верасько, выль теартальной презентациосты возьмато но мк.

 

Тросэзлы выль луоз, дыр, асьмелэн улосчимылэн (азьвыл Сарапулысь драматургической театрлэн актерезлэн, али Россиысь тодмо драматурглэн Николай Колядалэн дышетскисезлэн) Валерий Шергинлэн творчествоез, кудӥз огпол гинэ ӧз пыриськы ни пӧртэм драматургической ӵошатсконъёсы (Театральный фестиваль им. А. Володина – 2009, «Действующие лица – 2011», «Евразия-2012», «Текстура-2012», «Любимовка-2012», специальный проект фестиваля «Золотая маска» – драматургический «Конкурс конкурсов – 2013»), кудӥз «Современная драматургия» журналын но Петербургского театрального журнала сайтаз печатласькиз.

 

Удмуртиысь быгатӥсь пинал автор сярысь режиссёр но драматург Павел Зорин вералоз. Журналист Сергей Пахомов аслэсьтыз малпанъёссэ усьтоз Николай Колядалэн театрез сярысь. Туала драматургия шоры аслэсьтыз учконъёссэ Даниил Клеопов усьтоз. Вераськонэ озьы ик Удмурт кун университетысь дышетӥсьёс но дышетскисьёс пыриськозы.

 

Возьмаськомы вань мылкыд карисьёсты.

 

Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru