Версия для слабовидящих

Удмурт Элькунысь Йӧскалык библиотекаын «От книжных страниц – к олимпийским вершинам!» акция улсын ортчись ужрадъёс

Удмурт Элькунысь Йӧскалык библиотекаын «От книжных страниц – к олимпийским вершинам!» акция улсын ортчись ужрадъёс

31 толшоре «Сочи-2014» оргкомитетэн но Россиысь библиотекаослэн ассоцияциенызы дэмлам Россиысь библиотекаослэн егит лыдӟисьёслы акцизы «От книжных страниц – к олимпийским вершинам!» кылъёсын ужзэ мытэ, кудӥз улсын Удмурт Элькунысь Йӧскалык библиотека пӧртэм ужрадъёс ортчытэ.

3–28 тулыспалэ Удмурт Элькунысь Йӧскалык библиотекалэн лыдӟисьёсын ужан ёзэтаз (Удмуртской урам, 199) «Зимняя Олимпиада 1924–2014: из истории олимпийских игр» адӟытон возьматэмын луоз. Отысь книгаосын, энциклопедиосын, справочной изданиосын, газет-журнал статьяосын верамын нырысетӥ тол Олимпи шудонъёс сярысь (1924 ар, Франция), кыӵе ӵошатсконъёс пыризы пӧртэм аръёсы «тӧдьы шудонъёсы», Россиысь но Удмуртиысь тодмо спортсменъёс сярысь но мк. Экскурсилэн пуштросаз «Из истории зимних Олимпийских игр» видеопрезентация пыре, кытын тол Олимпи шудонъёслэн азинскемзы возьматӥське, озьы ик Олимпиадаос, кытын Россиысь спортсменъёс тужгес но трос вормизы (1960 ар., Скво-Вэлли; 1964 ар., Инсбрук; 1972 ар., Саппоро но мк.). Адӟытон 28-тӥ тулыспалозь ужалоз.

 

3–28 тулыспалэ Удмурт Элькунысь Йӧскалык библиотекалэн йӧскалык но шаертодон литературая но библиографияя центраз (Удмуртской урам, 264) «Удмуртия: от массового спорта к олимпийским победам» адӟытон ужалоз. Нырысетӥ люкетын – «Удмуртия спортивная» – Удмурт Элькунын спортлэн азинскемез сярысь материал огазеямын. Тужгес бадӟым инты висъямын спортъя гурт шудонъёс сярысь материалъёслы: 2014 арын спортъя тол гурт шудонъёс 20 арес тырмемзэс пусъёзы. «Герои спорта» люкет удмурт спортсменъёслы сӥземын, кудъёсыз пӧртэм спартакиадаосын но ӵошатсконъёсын – Россия, Европа но дунневыл – вылӥ интыос басьтӥзы. «Олимпийцы родникового края» люкет тодмо шаерчиосынымы тодматоз, кудъёсыз Олимпи шудонъёсын вормылӥзы но кудъёсыз 2014 арысь Россилэн огъям олимпи командаяз пыризы.

 

6 тулыспалэ 15.00 часын Удмурт Элькунысь Йӧскалык библиотекалэн лыдӟисьёсын ужан ёзэтаз (Удмуртской урам., 199) «Всё об Олимпийских играх» «Эрудит-квартет» шудон ортчоз, кытын Ижкар школаосысь пиналъёс ӵошатскозы.

 

7–23 тулыспалэ – Сочиын ХХII тол Олимпи шудонъёс ортчон вакытэ – Удмурт Элькунысь Йӧскалык библиотекалэн лыдӟисьёсын ужан ёзэтаз (Удмуртской урам, 199) «Дневник Олимпиады» адӟытон ужалоз.

 

Возьмаськомы вань мылкыд карисьёсты. Коллективной экскурсиослы заявка кутӥськом.

 

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru