Версия для слабовидящих

Эстониысь Ӵыжы-выжы калыкъёслэн программазылэн преми лауреатъёсыныз пумиськон

Эстониысь Ӵыжы-выжы калыкъёслэн программазылэн преми лауреатъёсыныз пумиськон

26-тӥ коньывуонэ 17.00 часын Удмурт Элькунысь Ӥӧскалык библиотекаысь шаертодонъя но финн-угор литературая ёзэтаз (Удмуртская урам, 264-тӥ юрт) «Удмурт шаер» клублэн заседаниез ортчем улсын Эстониысь Ӵыжы-выжы калыкъёслэн программазылэн литературая премилэн лауреатъёсыныз творческой пумиськон ортчоз.

Премия котькуд ар жюриен пӧртэм номинациосъя сётӥське: чеберлыко произведение (роман, новеллаосын бичет, кылбур бичет, пьеса, эссеосын бичет ); берыктон (роман, новеллаосын бичет, кылбур бичет, пьеса, эссеосын бичет, нырысь ик сётӥське финн-угор кылысь берыктэмъёслы); нылпи литература; литературоведение.

 

Программалэн цельёсыз но задачаосыз, асьсэлэн творчествозы сярысь клубе лыктэм куноос вералозы: Сергей Васильевич Матвеев – 2007 арын премилэн лауреатэз «Чеберлыко проза» номинациын «Чорыглэсь лушкам кылбуранъёс» романэз понна; Михаил Гаврилович Атаманов – 2009 арын премилэн лауреатэз «Литературоведческой произведение» номинациын «Мон – удмурт. Малы мыным вöсь?» эссеосын бичетэз понна; Люза Геннадьевна Бадретдинова – 2010 арын премилэн лауреатэз «Чеберлыко поэтической произведение» номинациын «Сюлэм пужыос» кылбур бичетэз понна; Екатерина Васильевна Макарова – 2011 арын премилэн лауреатэз «Чеберлыко пэтической произведение» номинациын «Шӧдон» кылбур бичетэз понна; Ангелина Ефремовна Решетникова – 2012 арын премилэн лауреатэз «Берыктэм литература» номинациын эстон гожъяськисьлэсь Эдгар Валтерлэсь «Покъёс сярысь лыдӟет» но «Пукейлэн мадёсъёсыз» произведениоссэ удмурт кылэ берыктэмез понна.

 

Книга адӟытонын «Эстон премиен дунъям удмурт гожъясьес» книга адӟытон ужалоз. Адӟытонлэн нырысетӥ люкетаз – «Премилэн кылдон сюресэз» – буклетъёс но статьяос люкамын, кудъёсыз Эстониысь Ӵыжы-выжы калыкъёслэн программалэн литература удысысь премиез сярысь верало. Кыкетӥез люкет – «Удмурт лауреатъёс» («Удмуртские лауреаты премии») – тодматэ премилэн луареат луэм гожъяськисьёслэн ужъёсынызы, озьы ик соос сярысь критикъёслэн но литературведъёслэн гожтэмъёсынызы, кудъёсыз пӧртэм периодической изданиосын печатламын.

Ужрадэ Удмурт Элькунысь Йӧскалык политикая министерствоысь ужасьёс, Удмурт Элькунысь Гожъяськисьёслэн огазеяськонысьтызы но Вань удмуртъёслэн «Удмурт кенеш» огазеяськонысьтызы ёзчиос , История, кылъя но литературая удмурт институтын ужасьёс, Удмурт кун университетысь дышетӥсьёс, журналистъёс пыриськозы.

 

Ужрад удмурт кылын ортчоз.

 

Возьмаськомы вань мылкыд карисьёсты.

Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru