Версия для слабовидящих

Иворъёс

17-тӥ толшоре 17.00 часын Йӧскалык библиотекалэн шаертодон но йӧскалык литературая но библиографияя центраз (Удмурт урам, 264-тӥ юрт) азьланьтӥськоз «Удмурт шаер» клублэн ужез. Таяз радэ пумиськонэ ӧтемын Нина Георгиевна Ермолаева – журналист, редактор, публицист, кылысь кылэ берыктӥсь, Удмурт Элькунысь сӥе-дано журналист, Россия Федерациысь журналистъёслэн союззылэн ёзчиез

Аслэсьтыз пичи юбилейзэ - 5 ар тырмемзэ - пусйиз 2016-тӥ арын «Край удмуртский» библиотекалэн блогез. Арез йылпумъяса, блогеръёсмы лыдӟисьёсызлы дасязы Выль арлы сӥзем публикациосты. 

14-тӥ толсуре 14 часэ Удмурт кун филармонилэн пичи залаз (Пушкинской ур., 245) Лыдӟиськон кунокуа сузьет улсын Сергей Вострокнутов сукыр кылбурчиен пумиськон ортчоз.

1-тӥ толсуре Приволжской федерал округысь шор ёзо школаосын но профессиональной дышетскон огазеяськонъёсын дышетскисьёс пӧлын «Перевод в поле многоязычия» VII Улосвылкуспо ӵошатскон кутске. Сое радъяло Удмурт Элькунысь Дышетонэз азинтонъя институт но Удмурт Элькунысь йӧскалык библиотека.

26-тӥ шуркынмонэ 18 часэ Удмурт Элькунысь йӧскалык библиотекалэн Лыдӟиськон кунокуааз (Пушкинской ур., 200, Нылпиослы Элькун библиотека) Ижкарысь киноклублэн азьмуртэныз Андрей Смирновен пумиськон ортчоз.

Шуркынмон пумозь Удмурт Элькунысь йӧскалык библиотекалэн социогуманитарной но естественнонаучной ёзэтаз «“Следуйте путями доброты”: Д. С. Лихачевлэн 110 ар тырмонэзлы» сӥзем книга адӟытон ужалоз.

Шуркынмон пумозь Удмурт Элькунысь йӧскалык библиотекалэн шер пумиськись но дуно документъёсын ёзэтаз ӟуч гожъяськисьлы, этнографлы но лексикографлы Владимир Иванович Дальлы (1801–1872) 215 ар тырмонэзлы сӥзем «Казак Луганский» книга адӟытон ортчоз.

11-тӥ шуркынмонэ 10 часэ Калыкъёслэн эшъяськон юртазы «Православное просвещение народов Среднего Поволжья и Предуралья» улосвылкуспо научно-практической конференция ортчоз.

25-тӥ коньывуонэ 17 часэ Удмурт Элькунысь йӧскалык библиотекалэн йӧскалык но шаертодон литературая но библиографияя ёзэтаз «Тӧро сэрег» сузьет улсын литературатодосчиен, журналистэн но гожъяськисен В. Г. Пантелееваен пумиськон ортчоз.

Коньывуон-толсур толэзьёсы Удмурт Элькунысь йӧскалык библиотека Ижысь но Удмуртиысь епархиен но Элькунысьтымы духовно-нравственной дышетонъя колледжен ӵош «Православные монастыри: книжное дело» лекциосын сузьет ортчытозы. Ужрадъёс Афонысь ӟуч монашество сярысь нырысетӥ гожтэм синпелетлэн 1000 ар тырмонэзлы сӥземын.

28-тӥ куарусёнэ 18 часэ Удмурт Элькунысь йӧскалык библиотекалэн Лыдӟиськон кунокуааз егит гожъяськисен Полина Гладышен пумиськон ортчоз. Полина Гладыш тодмо луиз «Аст» книгапоттониын «Онлайн-бестселлер» сериын Ли Виксен кушемнимын потэм «Меня зовут Лис» нимо книгаеныз.

5-тӥ куарусёнысен 11-тӥ куарусёнозь Удмурт Элькунысь йӧскалык библиотека егитъёслы радъям «Многоцветье культуры Русского мира» интерактивной фестивале пыриськоз. Фестивалез «Русский мир» фондлэн юрттэменыз Расул Гамзатов нимо Хасавюртысь шор лыдӟиськонъюрт ортчытоз.

30-тӥ гудырикошконэ 18 часэ Удмурт Элькунысь Йӧскалык библиотекалэн Лыдӟиськон кунокуааз Дмитрий Коваленин гожъяськисен, журналистэн, кылысь кылэ берыктӥсен, ӟуч калыкез Япониысь тодмо гожъяськисен Харуки Муракамиен тодматӥсен пумиськон ортчоз.

15-тӥ гудырикошконэ 10 часысен 15 часозь зоопаркын ляб тазалыко но сӧсыр луэм адямиослы котькуд ар радъяськись «Навстречу мечте» акция ортчоз. Ужрадэз ортчытонэ Удмурт Элькунысь йӧскалык лыдӟиськоннилэн Сукыр но ляб адӟись муртъёслы библиотечной юрттэт сётонъя улосвыл центр пыриськоз.

1-тӥ гудырикошконысен 1-тӥ куарусёнозь Удмурт Элькунысь йӧскалык лыдӟиськоннилэн шер пумиськись но дуно документъёсын ёзэтаз (ПушкинскОЙ ур., 200, 17 б.) «Книжные прогулки по Сарапулу дореволюционному» адӟытон ортчоз. Экспозицие XIX-XX-тӥ дауръёсысь изданиос пыртэмын.

30-тӥ инвожое 16 часэ Удмурт Элькунысь йӧскалык библиотекалэн шаертодон но йӧскалык литературая но библиографияя центрын «Тӧро сэрег» проект улсын Анатолий Васильевич Новиковлэн «Город Ижевск свеж и дорог» выль книгаеныз тодматскон ортчоз.

24-тӥ куартолэзе 16 часэ Удмурт Элькунысь йӧскалык лыдӟиськонниын (Удмуртская ур., 264) Славян гожъяськонлэн но культуралэн нуналэзлы сӥзем «Неотчуждаемая ценность: коллекции Национальной библиотеки УР» адӟытон усьтӥськоз

Май пумозь Ижкарысь почтамп юртын «Душа ландыша» открыткаосын адӟытон ужалоз. Открыткаос Удмурт Элькунысь йӧскалык лыдӟиськонниын ужась ӧнерчилэн Елена Анатольевна Ивановалэн коллекциысьтыз кутэмын.

26-тӥ куартолэзёзь Удмурт Элькунысь йӧскалык лыдӟиськонниын Znanium.com электрон библиотека сӧзнэтын дунтэк ужаны луонлык усьтэмын.

22-тӥ оштолэзе Удмурт Элькунысь йӧскалык лыдӟиськонниын котькуд ар ортчись «Библионочь» нимо социально-культурной акция улсын пӧртэм ужрадъёс радъяськозы. Таяз аре акция Россиысь кинолэн арезлы сӥзьыса «Читай кино!» девизэн ортчоз.

Страница 1 из 13

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru