Версия для слабовидящих

Иворъёс

26-тӥ оштолэзе 18.00 часэ Йӧскалык лыдӟетъюртлэн йӧскалык но шаертодон литературая но библиографияя центраз (Удмурт урам, 264-тӥ юрт) «Тӧро сэреге» ӧтемын театровед Анна Яковлевна Евсеева.

15-тӥ оштолэзьысен 15-тӥ куартолэзёзь Йӧскалык лыдӟетъюртын ортче тулыс вакытэ улӟись паласькись висёнъёслэсь (энцефалит, боррелиоз, геморрагической лихорадка) утиськонъя толэзь. 

22-тӥ оштолэзе 15.00 часысен 23.00 часозь Йӧскалык лыдӟетъюрт 4 интыын ортчытоз арлы быдэ вань Россиын радъяськись «Библиоуй» акциез. Туэ со сӥземын Инкуазез утён арлы но ортче «Выль сямен лыдӟон» ныръянкыл (девиз) улсын. 

Туэ ар пумозь Йӧскалык библиотекалэн лыдӟисьёсыз «ЛитРес» электрон библиотекаысь текстъёсты быдэскын лыдӟыны быгатозы.

12-тӥ оштолэзьысен библиотекаос куспын проект гожтонъя элькун ӵошатскон кутскиз. Со нимаське «Бадӟым лыдӟон – 2017»: нон-фикшн литератураез лыдӟисьёс куспын вӧлмытон».

28-тӥ инвожоозь Йӧскалык лыдӟетъюртын «Университет библиотека онлайн»  электрон библиотека сӧзнэтэ эскерон вылысь дунтэк пырыны луонлык сётэмын. Лыдӟись быгатоз документлэсь котькуд бамзэ учкыны но одӥг сеанс куспын ог 10% документ вотэсысь кыскыны.

8-тӥ оштолэзьысен 30-тӥ оштолэзёзь  Удмурт кун филармониын «Helvetia = Гельвеция. Страналэн тусыз» адӟытон ужа. Сое радъяз Йӧскалык библиотека Ижын ортчись Швейцарилэн лулчеберетэзлэн нуналъёсыз улсын. 

6-тӥ оштолэзе 18.00 часэ Эшъяськон юртын (Орджоникидзе урам, 33 а) ортчоз Удмурт Элькунын Алнаш ёрос литературалэсь нуналъёссэ усьтон ужрад. 

8-тӥ оштолэзе 15.00 часэ Йӧскалык лыдӟетъюрт ӧте ӟуч кылэз яратӥсьёсты былэс Россиын арлы быдэ ортчись «Тотальный диктант» акцие пыриськыны. Кылем арын кадь ик, библиотека диктант гожтыны 2 инты висъя: мылкыд карисьёс лыктыны быгатозы Удмурт урамысь 264-тӥ юртэ но Вормонлы 30 ар урамысь 14-тӥ юртэ. 

7-тӥ оштолэзе 15.00 часэ УдГУ-ысь В. А. Журавлев нимо тодос лыдӟетъюртын (Ломоносов урам, 4б) Вячеслав Ар-Сергилэн 55 аресэзлы сӥзем ӝыт ортчоз.

28-тӥ южтолэзе 18.00 часэ Эшъяськон юртын «Удмурт шаер» клуб пумиськон ортчытэ Петр Павлович Даниловен, Удмурт Элькунысь искусство удысысь дано ужасен, лулчеберертъя но туризмъя министрлэн воштӥсеныз. 

24-тӥ южтолэзе 17.00 часэ Йӧскалык лыдӟетъюртлэн йӧскалык но шаертодон литературая но библиографияя центраз (Удмурт урам, 264-тӥ юрт) Е. П. Кузнецовлэн «Висьыны быгатон. Валаса висисьлы юрттэт» книгалы презентация ортчоз.

28-тӥ оштолэзёзь Йӧскалык лыдӟет юртлэн лыдӟисьёсыз «Решение»  видеотекаен тодматскыны быгатозы. Соин ужаса, интерактив амалэн дышетонэз радъяны луэ таӵе удысъёсъя: ужасьёсын кивалтон, менеджмент, кивалтон психология, коммерция, логистика, юриспруденция.

21-тӥ южтолэзе 17.00 часэ «Удмурт шаер» клуб С. Н. Селивановскиен пумиськон ортчытэ. Со  Россиысь журналистъёслэн огазеяськонзылэн ёзчиез, Йӧскалыккуспо тодосъёсъя славян академилэн Ижысь ёзэтысьтыз историяя но шаертодосъя секциезлэн тӧроез.

Лыдӟет юртъёсы ӝоген вуоз Вуж Сӥзёнлэн канонэн юнматымтэ люкетъёсын книгаез

14-тӥ южтолэзе 12.30 часэ Йӧскалык лыдӟиськоннилэн шер пумиськылӥсь но дуно ужкагазъёсын ёзэтаз (Пушкин урам, 200-тӥ юрт) ортчоз «Книга узырлык. Псалтирь» адӟытонэз усьтон ужрад. Экспозициын возьматэмын луоз лыдӟиськоннилэн фондысьтыз черк вӧсь ортчытон литература.

14-тӥ–16-тӥ южтолэзе Йӧскалык лыдӟиськон юртысь Азьмурт библиотекалэн лыдӟиськон бӧлетаз (Ломоносов урам, 9-тӥ юрт) нырысьсэ ортчоз Россиын арлы быдэ радъяськись  «Россия электрон дуннеын» вожвылъяськонлэн 3-тӥ люкетэз. 

3-тӥ южтолэзе 15.00 часэ Дышетсконэз азинтонъя институтын (Ухтомскийлэн урамез, 25-тӥ юрт) кутскоз «Перевод в поле многоязычия» VII улосвылкуспо конкурслэн I этапаз вормисьёсты ӟечкылан. Конкурсэз ортчытэ Удмурт Элькунысь Дышетсконэз азинтонъя институт но Йӧскалык лыдӟиськонни. Отчы пырисько Привожской федерал округысь огъя тодон-валан но ӧнер сётӥсь ужъюртъёсысь дышетскисьёс.

1 мартэ 11.00 часэ Йӧскалык лыдӟиськонниын (Удмурт урам, 264-тӥ юрт) А. А. Мелитонянэн, Россиысь филокартистъёслэн огазеяськонзылэн президентэныз, пумиськон ортчоз.

27-тӥ тулыспалэ 16.00 часэ Эшъяськон юртын (Орджоникидзе урам, 33а) Йӧскалык библиотека лыдӟиськон кунокуа ортчытэ. Отчы лыктозы куноос – бигер кылбурчиослэн клубазы ветлӥсьёс но Удмуртиысь писательёслэн огазеяськонзылэн ӟуч секциысьтыз ёзчиосыз. 

Страница 1 из 15
Система Orphus Яндекс.Метрика

Возник вопрос?

Будем рады вам помочь
Подробнее

Позвонить
Написать

Skype: unatlib.org.ru