Версия для слабовидящих

Иворъёс

19-тӥ куарусёнэ Йӧскалык лыдӟетъюртысь ӧнерчиос, кудъёсыз ужало «Эрикрад сярысь ивортодэт сётӥсь Центр» ёзэтаз но обслуживать каро Б. Н. Ельцин нимо Президент библиотекалэсь (ПБ) электрон лыдӟиськон залзэ, пыриськизы кенешонэ. Со сӥземын вал ПБ-лэн школаын дышетскисьёс понна «Россия в электронном мире» олимпиадаез дасянлы. Солэн 2018-тӥ–2019-тӥ ар понна сезонэз кутскоз 21-тӥ куарусёнэ.

  

Кенешон мынӥз ПБ-лэн интернет-порталаз ворсам трансляция сямен. Библиотекаысь тодосъя но дышетонъя ёзэтысьтыз ӧнерчи Ольга Александровна Гассельблат проектэз пыр-поч валэктӥз но котькуд этапсэ пусйиз, олимпиадаез радъянлэн куд-ог аспӧртэмлыкезлы нимысьтыз саклык висъяса. Озьы ик удаленной площадкаосысь библиотека ӧнерчиослы но кыл сётэмын вал. Олимпиадаез радъянъя но калыклы тодмо каронъя уж нуэмзы сярысь ивортӥзы Пензаысь М. Ю. Лермонтов нимо улосвыл лыдӟетъюрт,  В. Г. Белинский нимо Свердловской улосвыл тодос библиотека, Алтай крайысь В. Я. Шишков нимо тодос библиотека.

 

Тодады вайытомы, олимпидалэн куинетӥ этапез ортчоз Санкт-Петербургын очной амалэн но быдэс Россиын ПБ-лэн удаленной лыдӟиськон залъёсаз, соос пӧлын Удмуртиысь школьникъёс понна но – Йӧскалык лыдӟетъюртлэн площадкаяз.

 

Олимпиадалэн сайтаз регистрация ортчон но нимаз кабинетын ужан сярысь вазиськыны луэ Йӧскалык библиотекаысь ПБ-лэн электрон лыдӟиськон залысьтыз ӧнерчиосызлы (Гизатуллина Рушания Рафисовна, телефонэз – 52-54-64).

 

VKS

16-тӥ куарусёнэ 12.00 часэ Киров нимо паркысь фан-зонаын «Бертэм потэ!» гоно фестивалез ортчытон улсын ужалоз «Лучшие люди на свете» («Дунне вылысь тужгес но ӟеч муртъёс») книга адӟытон.

10-тӥ-26-тӥ куарусёнэ кунгожсьӧр кылъёсъя литературая ёзэтын (Удмурт урам, 264-тӥ юрт) ужа «Мастера перевода» циклысь Борис Владимирович Заходерлэн вордскемез дырысен 100 ар тырмонлы сӥзем адӟытон.

6-тӥ-11-тӥ куарусёнэ Эшъяськон юртын, Рош а-Шанаез – еврей Выль арез пусъён ужрадъёсыз ортчытыку, ужалоз Йӧскалык лыдӟетъюртэн дасям «Книга калыклэн ӟуч кылэз» («Русское слово народа Книги») книга адӟытон.

3-тӥ–31-тӥ куарусёнэ Йӧскалык лыдӟетъюртысь техникая но гурт удыс литературая ёзэтын (30 ар Вормонлы ульча, 14-тӥ юрт) ужа «Синпӧртмась эмъян турын: паросысен экстрактозь» («Магия лекарственных растений: от зелья до экстракта») адӟытон.

Куарусён ӵоже Йоскалык лыдӟетъюртысь Йӧскалык но шаертодон литературая но библиографияя центрын (Удмурт урам, 264-тӥ юрт) ужа «Окрыленная фольклором: к юбилею Т. Г. Владыкиной» адӟытон.

Йӧскалык лыдӟетъюртэ вуиз «Россиысь калыкъёслэн туала литературазы» выль антологиялэн (М., 2017. – 568 б.) нырысетӥ томез («Поэзия»). Со печатламын Россиысь калыкъёслэн литератураоссылы юрттэт сётонъя Программа улсын. 

9-тӥ куарусёнозь Йӧскалык лыдӟетъюртысь кунгожсьӧр кылъёсъя ёзэтын «Асьме ӧсэ йыгасько. – Кин отын? А буква но сӥзьыл – autumn» адӟытон ужа. Со дасямын покчи лыдӟисьёс но анай-атайёссы понна.

Гудырикошкон пумозь Йӧскалык но шаертодон литературая но библиографияя центрын (Удмурт урам, 264-тӥ юрт) ужа Владимир Романовлэн вордскемез дырысен 75 ар тырмемезлы сӥзем «“Тол ортчоз но ожо ӝужалоз...” (“Зима пройдет, и прорастет трава...”)» книга адӟытон.

22-тӥ гудырикошконэ 16.00 часэ Йӧскалык лыдӟетъюрт Калык творчествоя элькун юртэн валче ортчытэ Россиысь Кун флаглэн нуналэзлы сӥзем ужрад.

17-тӥ гудырикошконэ 19.00 часэ Кар проектъёсъя «Лифт» штабын (Пушкин урам, 216-тӥ юрт) Йӧскалык лыдӟетъюртлэн «Книжная среда» лыдӟиськон кунокуаяз ортчоз Татьяна Репиналэн выль кылбур бичетэныз тодматскон.

13-тӥ гудырикошконэ 10.00 часэ зоопаркын (Киров ульча, 8-тӥ юрт) кутскоз сӧсыр муртъёс понна арлы быдэ ортчись  «Навстречу мечте» ӟечлэсьтӥсь акция. Отчы пыриськоз Йӧскалык лыдӟетъюрт но.

8-тӥ гудырикошконэ Пӧйшурез утён калыккуспо фондлэн кичӧлтэмезъя (International Fund for Animal Welfare) быдэс дуннеын Коӵышлэсь нуналзэ пусъё.

20-тӥ пӧсьтолэзьысен 20-тӥ гудырикошконозь Зеленодольскысь «Блик» чеберлыко галереяын «Ландышлэн лулыз» адӟытон ужа. Со – Йӧскалык лыдӟетъюртысь валтӥсь библиографлэн Елена Анатольевна Ивановалэн коллекциысьтыз.

1-тӥ гудырикошконысен Йӧскалык лыдӟетъюртлэн социогуманитарной но естественнонаучной литературая ёзаз (Удмурт урам, 199-тӥ юрт) ужа «“Огненная дуга”: стратегия победы» книга адӟытон. Со сӥземын Курск ожмаськон ортчем дырысен 75 ар тырмонлы.

Удмурт Элькунын Можга ёрослэн литератураезлы сӥзем нуналъёс ортчо. Сое радъя Йӧскалык лыдӟетъюрт «Удмурт Элькунын литературалы сӥзем нуналъёс» проект улсын.

Куарусён пумозь Йӧскалык лыдӟетъюрт вань мылкыд карисьёсты ӧте вотэс акцие пыриськыны. Со сӥземын бесерман кылбурчилэн Михаил Иванович Федотовлэн (1958–1995) вордскемез дырысен 60 ар тырмонлы.

 

 

 

 

 

Акцие пыриськон понна:

  • Михаил Федотовлэсь удмурт яке ӟуч кылын кылбурзэ быръе (яке кылбурысь люкет);

  • темалы тупась композиция кылдытэ – фотонатюрморт, кудӥз быръем кылбурлэсь пуштроссэ возьматоз (учке улӥысь пример понна сётэм фотонатюрмортэз),

  • пыриське Йӧскалык лыдӟетъюртлэн ВКонтакте-ысь (https://vk.com/unatlib) яке Instagram (https://www.instagram.com/unatlib/) группаяз;

  • ВКонтакте яке Instagram вотэсбамады фотонатюрморттэс пуктэ, пусъе Михаил Федотовен гожтэм произведениезлэсь нимзэ но #МихаилФедотов хэштег кельтэ.

Тужгес но ӟеч ужез быръёзы куарусён пумын Йӧскалык лыдӟетъюртлэн огиназ.

 

7-тӥ коньывуонэ – Михаил Федотовлэн вордскем нуналаз акцилы йылпумъян лэсьтэмын луоз.


Fedotov 2

М. Федотовлэсь кылбуръёссэ лыдӟе Йӧскалык электрон библиотекаын:

20-тӥ пӧсьтолэзёзь Йӧскалык лыдӟетъюртын (Удмурт урам, 264-тӥ юрт) «Джеймс Олдридж. Пичи дырлэн суредъёсыз» адӟытон ужа. Со писательлэн вордскемез дырысен 100 ар тырмонлы сӥземын.

2-тӥ пӧсьтолэзе Йӧскалык лыдӟетъюртлэн Шер пумиськылӥсь но дуно луись ужкагазъёсын ёзэтаз «Cемьялэн тусыз книгаысь иллюстрациын» адӟытон усьтӥськиз. Со сӥземын Семьялэн но яратонлэн нуналэзлы.

Йӧскалык лыдӟетъюртысь кунгожсьӧр кылъёсъя ёзэтэ вуизы «Вахазар» книгапоттонниен кузьмам выль книгаос.

Страница 1 из 22
Яндекс.Метрика

Возник вопрос?

Будем рады вам помочь
Подробнее