Версия для слабовидящих

А. М. Корепановлэн «Сибирский тракт: дорога в достойную жизнь» книгаеныз тодматскон

15-тӥ толсуре «Удмурт шаер» клублэн заседанияз А. М. Корепановлэн «Сибирский тракт: дорога в достойную жизнь» книгаеныз тодматскон ортчиз. Сое Удмурт Элькунысь йӧскалык лыдӟиськонниысь йӧскалык но шаертодон литературая но библиография центр Ижкарысь кун эмтодос академиен ӵош радъязы. Ужрад Удмурт кун филармонилэн конференц-залаз ортчиз.

А. В. Коробейников историкен пумиськон

25-тӥ тулыспалэ «Удмурт шаер» клубын историкен но мер ужасен Алексей Владимирович Коробейниковен пумиськон ортчиз.

Покчиёзо классъёслы «Лыдӟон книга» учебникъёсын тодматскон

28-тӥ коньывуонэ «Удмурт шаер» клублэн пумиськоназ покчи классъёслы «Лыдӟон книга» учебникъёсын тодматскон ортчиз (авторъёсыз — И. Ф. Тимирзянова но Т. С. Иванова).

«Удмурт шаер» клублэн пумиськонэз удмурт кылбурчилэн Гай Сабитовлэн вордскем палъёсаз

16-тӥ куарусёнэ Гай Сабитович Сабитовлэн 100 арес тырмонэзлы сӥзем «Я жизнь пою...» нимын научно-практической конференция улсын «Удмурт шаер» клублэн пумиськонэз удмурт кылбурчилэн вордскем палъёсаз Татарстанысь Кукмор каргуртын ортчиз.

«Зарни крезь : удмурт калыклэн визь-нод шыкысысьтыз = Золотые гусли : из сокровищницы народной мудрости удмуртов» книгалэн презентациез

19-тӥ куартолэзе «Удмурт шаер» клубын «Зарни крезь : удмурт калыклэн визь-нод шыкысысьтыз = Золотые гусли : из сокровищницы народной мудрости удмуртов» книгаен тодматскон ортчиз.

«П. И. Чайковский и Удмуртия» библиографической указательлэн презентациез

22-тӥ оштолэзе «Удмурт шаер» клубын «Петр Ильич Чайковский и Удмуртия» библиографической мультимедийной указательлэн презентациез ортчиз. Сое Удмурт Элькунысь йӧскалык лыдӟиськонни крезьгурчилэн 175 ар тырмонэзлы дасяз.

«Герои Советского Союза. Полные кавалеры ордена Славы» библиографической указательлэн презентациез

31-тӥ южтолэзе «Удмурт шаер» клублэн пумиськоназ «Ими гордится удмуртская земля» сериысь «Герои Советского Союза. Полные кавалеры ордена Славы» библиографической указательлэн презентациез ортчиз. Изданиез Быдӟым Атыкай ожын Вормонлы 70 ар тырмонэзлы сӥзьыса Удмурт Элькунысь йӧскалык библиотека дасяз.

А. Г. Шкляевлэн «Арысь аре» книгаезлэн презентациез

26-тӥ толшоре «Удмурт шаер» клублэн заседанияз критиклэн но литературоведлэн А. Г. Шкляевлэн «Арысь аре» книгаеныз тодматскон ортчиз. Пумиськонэ кылтодосчиос, гожъяськисьёс, журналистъёс, клублэн ёзчиосыз пыриськизы. Ужрадэз Йӧскалык но шаертодон литературая но библиография центрлэн валтӥсь библиотекарез Галина Александровна Сергеева нуиз.

Екатерина Васильевалэн «Малпанлэн шыпыртэмез» бичетэзлэн презентациез

27-тӥ куартолэзе «Удмурт шаер» клублэн заседанияз Екатерина Васильевалэн «Малпанлэн шыпыртэмез» бичетэныз тодматскон ортчиз.

«Удмуртия» издательстволэн 95 арес тырмонэзлы сӥзем пумиськон

28-тӥ коньывуонэ «Удмурт шаер» клублэн заседанияз «Удмуртия» издательстволэн 95 арес тырмонэзлы сӥзем ужрад ортчиз. Пумиськонэ гожъяськисьёс, суредасьёс, тодослыко ужасьёс, журналистъёс, Удмурт кун университетысь Социальной коммуникациосъя институтысь «Издательское дело» отделениысь студентъёс пыриськизы.

Кылосбур тодосъёсъя докторен А. С. Зуева-Измайловаен пумиськон

18-тӥ шуркынмонэ Йӧскалык но шаертодон литературая но библиография центрын «Удмурт шаер» клублэн заседанияз литературатодосчиен, кылосбур тодосъёсъя докторен А. С. Зуева-Измайловаен пумиськон ортчиз, кудӥз тодосчилэн 65 арес тырмонэзлы сӥземын вал.

Эстониысь Ӵыжы-выжы калыкъёслэн программазылэн преми лауреатъёсыныз пумиськон

29-тӥ коньывуонэ «Удмурт шаер» клублэн заседанияз Панфинн-угор нуналъёслы тупатыса удмурт гожъяськисьёсын но удмурт кылэ берыктӥсьёсын – Эстониысь Ӵыжы-выжы калыкъёслэн программазылэн преми лауреатъёсыныз творческой пумиськон ортчиз.

Александр Шкляевен творческой пумиськон

12-тӥ тулыспалэ «Удмурт шаер» клублэн заседанияз литературатодосчилы, журналистлы но критиклы Александр Григорьевич Шкляевлы 70 арес тырмонэзлы сӥзем пумиськон ортчиз.

«Удмурт шаер» клублэн 30 арес тырмонэзлы сӥзем пумиськон

17-тӥ южтолэзе Калыкъёслэн эшъяськон юртазы Россиын Лулчеберетлы сӥзем ар улсын «Удмурт шаер» клублэн 30 арес тырмонэзлы сӥзем пумиськон ортчиз.

Выль тулкымъёс Удмуртиысь литератураын

23-тӥ оштолэзе «Удмурт шаер» клубын «Выль тулкымъёс Удмуртиысь литератураын = Новая волна в литературе Удмуртии» нимо пумиськон ортчиз, кудаз литературатодосчиос но критикъёс, периодической изданиослэн валтӥсь редакторъёссы, элькунлэн куноосыз – Татарстанысь но Башкортостанысь удмурт школаослэн директоръёссы, литературая огазеяськонъёслэн но клубъёслэн ёзчиоссы, удмурт но ӟуч кылын гожъяськись егит авторъёс пыриськизы.

Удмурт кылэ берыктӥсьёсын пумиськон

26-тӥ куарусёнэ Удмурт Элькунысь йӧскалык лыдӟиськоннилэн шаертодон но финн-угор литературая ёзэтаз удмурт кылэ чеберлыко берыктонлэн шуг-секытъёсызлы сӥзем «Удмурт шаер» клублэн заседаниез ортчиз. Ужрадэ гожъяськисьёс, журналистъёс, тодослык удысын ужасьёс пыриськизы.

«Чибориё тубатъёс» выжыкылъёсын книгалэн презентациез

2006-тӥ арын 23-тӥ коньывуонэ «Удмурт шаер» клублэн «Чибориё тубатъёс» выжыкылъёсын книгалэн презентациезлы сӥзем заседаниез ортчиз. Книгалэн люкасез но берыктӥсез Г. Н. Баженова.

А. А. Перевозчиковлэн «Донды батыр, солэн пиосыз сярысь кузьмадёс-кырӟан» книгаезлэн презентациез

2007-тӥ арын 26-тӥ феврале Анатолий Аркадьевич Перевозчиковлэн «Донды батыр, солэн пиосыз но Уйпери сярысь кузьмадёс-кырӟан» книгаезлэн презентациез ортчиз.

Фёдор Пукроковлэн 70 арес тырмонэзлы сӥзьыса

2007-тӥ арын 28-тӥ шуркынмонэ «Удмурт шаер» клублэн Ф. П. Пукроковлэн 70 арес тырмонэзлы сӥзем заседаниез ортчиз.

«Шушы – 2008 арлэн пусэз» адӟытон усьтӥськиз

23-тӥ толсуре шаертодон но финн-угор литературая ёзэтын «Шушы – 2008 арлэн пусэз» адӟытон усьтӥськиз.

Страница 1 из 2